Bügın, 18 qaŋtarda Atyrauda jaŋa tuǧan balany aldyn-ala söz bailasu arqyly öltırdı dep aiyptalǧan oblystyq perinataldy ortalyq därıgerlerıne sot ükımın jariialady, dep habarlaidy «Adyrna» tılşısı «AqJaiyq» gazetıne sılteme jasap.
Sot olardy kınälı dep tanyp, perinataldy ortalyqtyŋ būrynǧy bas därıgerı Quanyş NYSANBAEVTY 18 jylǧa, akuşer-ginekolog Asqar QAIYRJANDY - 16 jylǧa, akuşerka Jämila QŪLBATYROVANY - 15 jylǧa bas bostandyǧynan aiyrdy. Neonatolog-därıgerler Ruslan NŪRMŪHAMBETOV pen Dariǧa JŪMABAEVA qylmys turaly habarlamaǧany üşın kınälı dep tanylyp, üş jylǧa bas bostandyǧy şekteldı.
Ükım şyǧarǧan kezde olar qabyldaǧan «Gippokrat antyn» būzǧanyn sot aiyptaluşylar üşın auyrlatatyn män-jai dep tanydy.
Aita keteiık, ötken jyly Atyrau oblystyq perinataldyq ortalyǧynyŋ mamandaryna qatysty QK «qasaqana adam öltıru baby» boiynşa ıs qozǧalǧan bolatyn. Aq halattylar tırı närestenı ölı tuylǧan dep esepke alyp, toŋazytqyşqa salǧan.
«Adyrna» ūlttyq portaly
