Memleket basşysy Qasym-Jomart Toqaevtyŋ atynan Aqparat jäne qoǧamdyq damu ministrı Aida Balaeva Qazaqstan Respublikasynyŋ Diabettık aǧartu qorynyŋ atqaruşy direktory Natalia Tukalevskaiaǧa «Qūrmet» ordenın tabystady. Marapattau räsımı ministrdıŋ Almatyǧa jūmys sapary kezınde öttı, dep habarlady AQDM baspasöz qyzmetı.
Qūrmettı Natalia Nikolaevna, men üşın būl ordendı Qazaqstan Täuelsızdıgıne 30 jyl tolu jylynda tapsyru ülken märtebe. Sız ūzaq jyldar boiy Qazaqstandaǧy ükımettık emes ūiymdardyŋ qalyptasuy men damuyna orasan zor üles qosyp kele jatqan adamsyz. Diabetikalyq aǧartudaǧy maŋyzdy jobalardyŋ avtory men qoǧamdyq bırlestıktıŋ jetekşısı retınde sızdıŋ äleumettık mäselelerdı şeşudegı eŋbegıŋız barşaǧa ülgı. Sondyqtan, būl marapat janqiiarlyq eŋbek pen taŋdaǧan ıske degen adaldyqtyŋ, adamdardyŋ igılıgı üşın adal jūmysyŋyzǧa degen baǧanyŋ belgısı bolyp tabylady, - dedı Balaeva.
Ministr Prezidenttıŋ qoǧamdyq ūiymdardyŋ rölın, olardyŋ memleket pen azamattyq qoǧamnyŋ özara ärekettesuın damytuǧa qosqan ülesın joǧary baǧalaityndyǧyn basa aitty.
Eske sala keteiık, Natalia Tukalevskaia - ūlt densaulyǧyn saqtau saiasatyn jüzege asyruǧa belsendı yqpal etetın, qant diabetımen bailanysty bılım beru mäselelerımen ainalysatyn jäne qalanyŋ qoǧamdyq ömırıne belsendı qatysatyn qoǧam qairatkerı.
