Elordada boijetken qyz üşın janjaldasqan jıgıtter üidıŋ aulasynda qarumen atysqan. Būl turaly qalalyq Polisiia departamentı baspasöz qyzmetınen mälım boldy, dep habarlaidy «Adyrna» tılşısı QazAqparatqa sılteme jasap.
«24 qaŋtarda 102 pultıne tüngı saǧat 1:09 şamasynda 19 jäne 23 jastaǧy ekı er adam atys qaruynan alǧan jaraqatpen qalalyq auruhanaǧa jetkızılgenı turaly mälımet kelıp tüstı. Osyǧan deiın özara tanys adamdar arasynda qyz üşın töbeles bolǧany, sonyŋ saldarynan qaru qoldanylǧany anyqtaldy», - delıngen polisiia mälımetınde.Belgılı bolǧandai, atalǧan janjalǧa qatysqan barlyq adamdar ūstalyp, «Baiqoŋyr» audany polisiia basqarmasyna jetkızıldı. Atalǧan fakt boiynşa qylmystyq ıs qozǧalyp, tergeu amaldary jürıp jatyr.
«Adyrna» ūlttyq portaly
