Qazaq tılın bılmeitınderdıŋ jalaqylaryn qysqartu kerek!

Ybyrai Altynsarin atyndaǧy Arqalyq memlekettık pedagogikalyq institutynyŋ pedagogika jäne filologiia fakultetınıŋ dekany, f.ǧ.k., dosent, aitysker aqyn Aibek Qaliev "Salmaqty sūhbat" halyqaralyq onlain studiiasynyŋ qonaǧy boldy. "Salmaqty sūhbattyŋ" moderatory, ǧylym baǧyty boiynşa "Qazaqstannyŋ 100 jaŋa esımı" jobasynyŋ jeŋımpazy, PhD doktory, lingvist Quanyş Jūmabekūly Aibek Qalievke tömendegıdei sūraqtar qoidy: 1) 10 qaŋtarda Qazaqstanda parlament mäjılısı men mäslihattar deputattarynyŋ sailauy öttı. 15 qaŋtarda VII şaqyrylǧan parlament mäjılısınıŋ jaŋadan sailanǧan deputattary ant berdı. Jandarbek Būlǧaqov ant beru räsımınıŋ mätının aita almaǧan deputattardy synaǧan bolatyn. Halyq tılınde söilei almaityn halyq qalaulylary jaily ne aitasyz? 2) Prezident özınıŋ «Täuelsızdık bärınen qymbat» atty maqalasynda niet dūrys bolsa, qazaq tılın meŋgeruge bolatynyn aitty. Biyl «Täuelsızdıktıŋ 30 jyldyǧy» atap ötıledı. 30 jyl ötse de, älı künge deiın qazaqşa bılmeitınder jeterlık. Qazaq tılın bılmeitınder, qazaq tılın bılgısı kelmeitınder emes pe? 3) Jalpy, orystıldıler qazaq tılın üiretuge arnalǧan oqu qūraldary tiıstı deŋgeide daiyndalmaǧan degendı alǧa tartady. Būl syltau ma, älde sebep pe? 4) Jurnalist Anna Danchenko «Qazaq tılın bılmeitınderdıŋ jalaqylaryn qysqartu kerek, sonda ǧana bärı qazaqşa üirenedı», – deidı. Alyp-qosaryŋyz. 5) Qazaq tılınıŋ öz tūǧyryna qonuyna qanşa uaqyt qaldy dep oilaisyz? 6) Än de tärbie qūraly ǧoi. Keiıngı kezde än mätınderınde talǧamsyz, tatymsyz, tıptı ädepsız sözder köbeiıp barady. Aqyn retınde aitaryŋyz? Tolyq sūhbatty tömendegı sıltemeden köre alasyzdar! İnstagram: kuanysh_zhumabekuly YouTube: Quanyş Jūmabekūly https://youtu.be/9QCfMzWKpog