57 jastaǧy Petropavl tūrǧyny 14,5 kg astam marihuanamen ūstaldy, – dep habarlaidy «Adyrna» tılşısı Polisia.kz-ke sılteme jasap.
SQO PD Esırtkı qylmysyna qarsy ıs-qimyl basqarmasynyŋ qyzmetkerlerımen qala maŋyndaǧy auyldardyŋ bırınıŋ 57 jastaǧy tūrǧynynyŋ esırtkı qylmystaryna qatystylyǧy turaly jedel aqparat kelıp tüstı.
Jedel-ızdestıru ıs-şaralary barysynda atalǧan aqparat rastaldy: er adam Astana jäne Böketov köşelerınıŋ qiylysynda ūstaldy. Qyzmettık-ızdestıru itterın paidalanyp, Volkswagen avtomaşinasynyŋ salonynda skotchpen oralǧan üş polietilen paket salynǧan qapty anyqtady. Işınde ösımdık tektes erekşe iısı bar zat boldy. Sot-himiialyq saraptamanyŋ aktısı alynǧan zattyŋ salmaǧy 14 kg 540 gramm keptırılgen marihuana ekendıgın körsettı.
Atalǧan faktı QR Qylmystyq kodeksınıŋ 296-baby 4-bölıgı (Asa ırı mölşerdegı esirtki, psihotroptyq zattardy, sol tektesterdı ötkızu maqsatynsyz zaŋsyz daiyndau, qaita öŋdeu, iemdenu, saqtau, tasymaldau) boiynşa Sotqa deiıngı tergep-tekserulerdıŋ bıryŋǧai tızılımıne engızıldı. Ūstalǧan qamauǧa alyndy, tergeu jürgızılude. Er adam būryn bırneşe ret sotty bolǧan: esırtkı qūraldarynyŋ zaŋsyz ainalymy üşın ekı ret sottylyǧy bar. Asa ırı mölşerde esirtki qūraldaryn ötkızgenı üşın 2008 jyly sottalǧan. Bas bostandyǧynan aiyru ornynan 2018 jyly bosap şyqqan.
«Adyrna» ūlttyq portaly
