Būdan bylai avtokölıktı mobildı qosymşa arqyly onlain tırkeuge bolady. Būl turaly «Adyrna» ūlttyq portaly Işkı ıster ministrlıgınıŋ resmi saityna sılteme jasai otyryp habarlaidy.
2021 jylǧy 25 qaŋtarda Astana Hub alaŋynda QR Sifrlyq damu, innovasiialar jäne aeroǧaryş önerkäsıbı ministrı Baǧdat Musin men QR Işkı ıster ministrı Erlan Tūrǧymbaevtyŋ bırlesken keŋesı öttı.
Keŋes barysynda Baǧdat Musin men Erlan Tūrǧymbaev sifrlandyru salasyndaǧy bırlesken jobalar men aldaǧy jūmys josparlaryn talqylady.
Sondai-aq, Sifrlyq damu, innovasiialar jäne aeroǧaryş önerkäsıbı ministrlıgı Işkı ıster ministrlıgımen bırlesıp jüzege asyrǧan ekınşı deŋgeidegı bankterdıŋ mobildı qosymşalarynda kölık qūraldaryn qaita tırkeu servisı tanystyryldy.
Būryn jeke tūlǧalar avtokölıktı tek Mamandandyrylǧan Halyqqa qyzmet körsetu ortalyqtarynda nemese “Elektrondyq ükımet” portalynda tırkei alatyn. Pilottyq rejimde būl memlekettık qyzmet Kaspi.kz qosymşasynda aprobasiialandy. Avtokölıktı onlain tırkeu mümkındıgı basqa da mobildı qosymşalarda paida bolady. Endı satuşy qosymşada avtomobildı esepten şyǧarǧanda, servis kölık qūralynyŋ şekteulerınıŋ, aiyppūldarynyŋ jäne salyq bereşekterınıŋ bar-joǧyna avtomatty türde tekseru jürgızedı. Eger tölenbegen salyqtar men aiyppūldar bolsa, satuşy olardy bırden sol qosymşada tölei alady. Satyp aluşy satyp alu üşın aqşa audarady, baj salyǧyn töleidı, avtokölıktı esepke qoiady jäne memlekettık nömır belgısın onlain taŋdaidy, – dedı Baǧdat Musin.Jaŋa servistı paidalana otyryp, avtokölıktı satyp aluşy men satuşy memlekettık organdarǧa jügınbei, būl proseduralardy öz betınşe jasai alady. Onlain mämıle aiaqtalǧannan keiın qūjattardy jäne memlekettık nömırlık belgını “Elektrondyq ükımet” portaly arqyly üige jetkızuge tapsyrys beruge nemese olardy Mamandandyrylǧan HQKO-dan alyp ketuge bolady, – dep tolyqtyrdy Erlan Tūrǧymbaev.
"Adyrna" ūlttyq portaly
foto aşyq derekközden alyndy
