YouTube balamyzdy şüldırletpesın desek...

Bır jyldan berı iutuberge ainalyp kettık. Säbiımız düniege kelgen soŋ, You-Tube siiaqty negızgı jūbatuşy baryna közımız jete tüstı. Būryn säbiınıŋ qolyna gadjet ūstata salyp, öz şaruasyna ainala beretın ata-anany jaqtyrmaityn edım. Öz basyma kelgende... älı de qarsylasyp jatyrmyn. Qalaubegıme üidegı bes telefondy bere saluǧa azamattyq häm äkelık, tıptı bolmasa, otaǧasylyq qūqymdy köldeneŋ tarta otyryp, kädımgıdei qarsylasamyn. Közın, özın saqtaǧym keledı. Tıptı bolmai bara jatsa, You-Tube-tıŋ qazaq tılındegı arnalarynan än tyŋdatam, multfilm körsetem. "Torǧai-TV", "Qoşaqan-TV" siiaqty jaqsy arnalar bar. Ärine, jaqsy nietpen aşylǧan dünieler ǧoi, tılderınde azdap aksent te joq emes. Degenmen qala balalarynyŋ joqtyŋ ornyn toltyruǧa tyrysqan eŋbegın baǧalamai bolmaidy. Endı bır oi keldı. Balalarymyzdyŋ tılın zaman jetıstıgı būza bermesın desek, qazaq tılındegı arnalardy meilınşe köbeituımız kerek eken. Özım balyq aulaudy qatty ūnatam. Bıraq qazaq tılınde "Vdali ot goroda" jäne Abzal S. arnasynan basqa eşteŋe joq. "Stepnoi ohotnik" pen "Always Alone" arnasynyŋ körermenı bolyp jüre beremız be? 7 synypta oqityn ūlym Oljas Oqastyŋ "Kolesa KZ" arnasyn qatty köredı. Oljekeŋe rahmet, naǧyz käsıpqoi maman qazır! Bıraq arpa ışınde - bır bidai... Kölıgımızden kıltipan şyǧa qalsa, orys tılınde qaptaǧan keŋestı şekesınen şertıp jürıp taŋdaimyz. Qazaqşa - JOQ!.. Bızde mäşine motoryn tüske deiın-aq şaşyp jöndep alatyn jıgıtter bar ǧoi. Solarǧa bır jön sıltep jıberse, arnany özderı-aq döŋgeletıp äketedı, sırä... Säbilerge oralaiyq. Olardy qazır aldandyratyn, eŋ bastysy, tılın şyǧaratyn närse - türlı gadjetter. Anasynyŋ qoly timei, äleujelıge pısırgen şūjyǧy men satyp alǧan köilegın salyp jatqanda, säbi basqa tıl arqyly aqparat alyp, sonyŋ tereŋıne enıp barady. Sondyqtan FB betınde saiasi şoluşy, äleumettık qorǧauşy boluǧa asyqpai, äleuetıŋızdı qazaqşa kontentke jūmsasaŋyz, qaneki! 10 adam qarasa da, million adam qarasa da, bärınıŋ tübınde aqşa tabu müddesı emes, säbi müddesı jatsa-şy, şırkın! Kontent köbeise, qarauşy da köbeiedı. Garantiia! Otyz jyl erkın ömır sürgende, balalarymyzdyŋ tılı basqaşa şyǧatyn küige jetıppız. Köp tanysymda solai. Özderı de aŋ-taŋ. Äitpese, jetpıs jetı atasynyŋ tılı şüldırlep körmegen ǧoi...

Esei Jeŋısūlynyŋ  jazbasynan.