Qazaqstandyq rejısser Jannat Alshanova When East Meets West birlesip kıno óndirý forýmynyń jeńimpazy atandy, dep habarlaıdy «Adyrna» tilshisi «Habar 24»-ke silteme jasap.
Baıqaýda otandasymyz «Pobedıteleı vıdno na starte» jobasyn tanystyrdy. Jannat Alshanova tolyq metrajdy fılminiń senarııi úshin Serbııa kıno ortalyǵynyń atynan 5 myń eýro kóleminde syıaqy aldy. Qańtardyń aıaǵynda ótken festıvalǵa 56 elden 387 ótinish túsken.
«Bul týyndy júzý mektebine túsken jas kelinshektiń ómirindegi ózgerister týraly baıandaıdy. Men osy senarıı boıynsha fılmdi Qazaqstan aýmaǵynda túsiremin. Halyqaralyq baıqaýda jeńiske jetkenime qýanyshtymyn. Endi bul senarıı boıynsha fılm túsirý úshin qomaqty qarajat kerek»,-dedi jeńimpaz jýrnalısterge bergen suhbatynda.
«Adyrna» ulttyq portaly
