Qazaqstanda 15 aimaqtyq joǧary oqu orny damytylady, dep habarlaidy «Adyrna» tılşısı BǦM baspasöz qyzmetıne sılteme jasap.
Olar naqty kriteriiler boiynşa ırıktep alynady. Atalǧan joǧary oqu oryndary daryndy jastardy jinaityn öŋırlık ortalyqtarǧa ainalmaq.
«Naqty kriteriiler boiynşa 15 öŋırlık joǧary oqu ornyn ırıktep alamyz. Osy universitetter arqyly öŋırlerdegı bılım sapasyn arttyru üşın nysanaly qarjy bölıp, olardy jaŋa zerthanalarmen qamtamasyz etemız. Ol oqu ornyndarynda jaŋa bılım baǧdarlamalary da aşylady. Sonymen qatar sapasyz joǧary oqu oryndaryn jabu boiynşa jūmystar da jalǧasyn tabady», – dep atap öttı A.Aimaǧambetov.Memleket basşysynyŋ tapsyrmasy boiynşa joǧary bılım beru jüiesınde akademiialyq adaldyqty būzǧany jäne sybailas jemqorlyq ıs-äreketterı üşın joǧary oqu oryndarynyŋ jauapkerşılıgı küşeitıldı. Joǧary oqu oryndarynyŋ akademiialyq derbestıgın keŋeitu boiynşa auqymdy jūmys jürgızılgen bolatyn. Endı akademiialyq jäne basqaruşylyq erkındık qazaqstandyq kolledjderge de berıledı.
«Kolledjderge akademiialyq derbestık berıledı. Atalǧan şara bılım beru baǧdarlamalarynyŋ mazmūnyn özgertuge, bılım sapasyn arttyruǧa, oqu merzımın qysqartuǧa mümkındık beredı. Sol arqyly tülekter tezırek jūmysqa ornalasa alady», – dedı Bılım jäne ǧylym ministrı.Kolledjderge akademiialyq erkındık beru – kadrlardy daiarlauda ikemdılıktı qamtamasyz etıp, oqu oryndarynyŋ jūmys beruşılermen bırlese otyryp, bılım beru baǧdarlamalarynyŋ mazmūnyn, oqytu merzımderı men traektoriiasyn aiqyndauǧa mümkındık beredı.
«Adyrna» ūlttyq portaly
