Facebook äleumettık jelısındegı «Menıŋ mektebım» tobynda Ashat Alimov: «Bolaşaqta jūmysqa tūru üşın bügıngı tüiındemelerdıŋ (reziume) ornyna ärqaisymyzdyŋ «sifralyq ızımız» qoldanysta bolady degen boljau aitylady. Iаǧni, bızdıŋ qandai äleumettık jelılerge kırıp, onda ne oqyp, ne qarap, ne jazǧandarymyz, internette qandai saittarǧa kırıp, qandai materialdardy ızdegenımız, qaraǧanymyz ne oqyǧanymyz, olar turaly qandai pıkır qaldyrǧanymyz (ne qaldyrmaǧanymyz da) bızdıŋ tanymdyq jäne käsıbi deŋgeilerımızdı aiǧaqtaityn bolady. Jūmysqa tūrǧanda, kez kelgen jūmys beruşı arnaiy saitqa kırıp, jūmysqa tūrǧysy kelgen adam turaly osyndai mälımettermen tanysa alady» degen jazba jariialady. Sonymen qatar ol mūǧalımderdıŋ köbınese qandai pıkır jazyp, nege «laik» qoiatyndaryna da täjıribe jasaǧanyn aitady. Qoryta aitqanda, Ashat Alimov mūǧalımderge äleumettık jelılerde jazatyn pıkırlerıne mūqiiat boluǧa şaqyrady. Mūǧalımnıŋ «sifralyq ız» turaly boljamy ne üşın aitylǧany tüsınıksız. Desek te, osy jazbany qoldap, «dūrys» deitınder de joq emes eken. Jazbanyŋ astyna qaldyrylǧan jüzdegen pıkır osynyŋ dälelı ıspettes. Alaida, būl jazbanyŋ negızgı astaryna bas nazar audarǧan elımızdegı mūǧalımderge qatysty ärbır ädıletsız jaǧdailarmen küresıp, qūqyqtyq kömek körsetıp jürgen mūǧalım Aiman Saǧidullanyŋ jauaby tömendegıdei:
«Mūǧalım de jany men jüregı bar adam. Qoǧamdaǧy bolyp jatqan jaǧdaiǧa aralaspasa, ol nesıne mūǧalım? Mūǧalım tek qana "Lisson stadi, Singapur" dep armandap otyratyn mamandyq emes. Mūǧalım öz elıne, halqyna jany aşyp, är mäselesın tüsınıp otyratyn adam. Eldıŋ mäselesıne aralasyp, öz oiyn aita almasa, mūǧalım boludyŋ ne keregı bar?
Taŋ qalatynym, sol jazbaǧa köp mūǧalımder qoldau bıldırıptı. Tüsınbei qoldai salǧan ba, älde bolaşaqta äleumettık jelıdegı pıkırımızdı, kırgen saitymyzdy direktordyŋ tekserıp bolyp, jūmysqa aluyn qoldap otyr ma?
Alaŋdamaŋyzdar! Bolaşaqta ondai bolmaidy. Söz bostandyǧy bar. Bız de jany men jüregı bar adambyz. Mūǧalımnıŋ qandai pıkır jazatynyn ölşep beretındei eşkımnıŋ qūqyǧy joq.Tırı bolsaq ondaiǧa jol bermeimız. Kelesı joly bıreudı qoldaityn kezde jazbany dūrystap oqyŋyzdar. Äitpese ministr :"Halyq qoldap otyr,"-dep ädep qaǧidasyna engızıp jıbermesın».
Mūqaş MŪRATŪLY,
«Adyrna» ūlttyq portaly.
