Zelenskii: Reseilık propagandaǧa jol berılmeidı!

Seisenbı künı Ukraina perzidentı Vladimir Zelenskii «Oppozisiialyq platforma - Ömır üşın» (OPZH) partiiasynan sailanǧan Joǧarǧy Radanyŋ deputaty Taras Kozak pen oǧan tiesılı «112 Ukraina»  «NewsOne» jäne «ZIK» telearnalaryna sanksiia salu turaly jarlyqqa qol qoidy  dep habarlaidy "Adyrna" qlttyq portaly Abai.kz portalyna sılteme jasap.  Sanksiiaǧa säikes, aktivterdı būǧattau, sauda operasiialaryn şekteu, Ukrainadan kapitaldyŋ şyǧaryluyna jol bermeu jäne baǧaly qaǧazdarmen operasiialarǧa tyiym salynǧan. Būǧan deiın Ukrainanyŋ Ūlttyq qauıpsızdık jäne qorǧanys keŋesınıŋ hatşysy Aleksei Danilov Joǧarǧy Radaǧa propagandamen ainalysatyn būqaralyq aqparat qūraldarynyŋ jūmysyna qatysty zaŋnamany qataŋdatu turaly ötınışpen jügınetının mälımdegen. Ol Savik Şusterdıŋ «Söz bostandyǧy» efirınde: «Bızde öz memleketımızdı qorlaumen ainalysatyn arnalar bar. Ökınışke orai, qoldanystaǧy zaŋnama olarǧa äser ete almaidy. Mūndai arnalar, ökınışke qarai, bızdıŋ elde öte köp. Olardyŋ barlyǧy ukrain halqynan talan-tarajǧa tüsken salyq esebınen qarjylandyrylady. Olar taŋerteŋnen keşke deiın halyqtyŋ miyn ulap jatyr», - dedı Danilov. Al, Taras Kozak resmi türde ielık etetın üş kanaldy ıs jüzınde  «Oppozisiialyq platforma - Ömır üşın» (OPZH) partiiasy saiasi keŋesınıŋ jetekşısı Viktor Medvedchuk baqylaidy eken. Ukrainalyq aqparat qūraldarynda Viktor Medvedchuk Resei prezidentınıŋ qūdasy ekenı aitylady. Keşe ol telearnalarǧa salynǧan sanksiialardy zaŋsyz dep atady. Jäne mūndai şeşım üşın prezident Zelenskii jauapkerşılıkke tartyluy kerek dep sanaidy. - «Vladimir Zelenskii «112 Ukraina» «NewsOne» jäne «ZIK» telearnalaryna qarsy sanksiialar qoldandy. Būl şeşım mülde zaŋsyz. Zelenskiidıŋ ainalasyndaǧylar men mūhittyŋ arǧy jaǧyndaǧy qojaiyndary onyŋ qolymen aqparattyq keŋıstıktı opponentterınen tazartyp jatyr. Prezidenttı öz aitqandaryna sendırıp, zaŋǧa qaişy şeşım şyǧartty. Bıraq mūndai şeşım üşın jauapkerşılık baryn bıluı kerek»,- dedı Medvedchuk. Söitıp, «Oppozisiialyq platforma - Ömır üşın» partiiasy (OPZH) prezident Vladimir Zelenskiidı demokratiia men söz bostandyǧyn şektedı dep aiyptap, impichment jariialau prosesın bastaitynyn mälımdegen. Alaida, Ukraina prezidentı söz bostandyǧyn qoldaitynyn, alaida Reseilık propagandaǧa jol berılmeitının alǧa tartty. Ol Tvitter paraqşasynda: «Sanksiia salu - qataŋ şeşım. Ukraina söz bostandyǧyn qoldaidy. Bıraq bızdıŋ elge qarsy agressor qarjylandyratyn ügıt-nasihatty qoldai almaidy. Būl Ukrainanyŋ europalyq jäne euroatlantikalyq integrasiiaǧa barar jolyna kedergı keltıredı. Täuelsızdık üşın küres - būl sondai-aq, euro qūndylyqtar men aqparattyq soǧystaǧy şyndyq üşın küres»,- dep jazdy. Sondai-aq, ol bügın «Ülken jetılık» jäne Europalyq odaq ökılderımen kezdesuınde būl şeşımnıŋ söz bostandyǧyna şabuyl emes, ūlttyq qauıpsızdıktı qorǧauǧa negızdelgen şeşım ekenın aitty. - «Būl emosionaldy şeşım emes, ol jetılıp, ūzaq uaqyt boiy ukrainalyq memlekettık organdardyŋ aqparaty negızınde daiyndalǧan. Būl söz bostandyǧyna eşqandai şabuyl emes, būl ūlttyq qauıpsızdıktı qorǧauǧa negızdelgen şeşım»,- dedı Ukraina perzidentı. Ol sondai-aq, Medvedchuktıŋ ielıgındegı arnalardyŋ memleket qauıpsızdıgın būzuǧa jäne Ukrainanyŋ Europalyq odaq pen NATO-ǧa integrasiialanuyna baǧyttalǧan äreketterıne qarsy aqparattyq şabuyl jasaǧanyn aitty.