13 aqpannan bastap elımızdıŋ azamattaryna kölıktı tiıstı qūjattardy alyp jürmei-aq, tek jeke kuälıkpen jürgızuıne bolady. Būl turaly IIM basşysy Erlan Tūrǧymbaev Facebook jelısınde jazdy, dep habarlaidy «Adyrna» tılşısı.
«Memleket basşysy "Qazaqstan Respublikasynyŋ keibır zaŋnamalyq aktılerıne jol jürısı mäselelerı boiynşa özgerıster men tolyqtyrular engızu turaly" Zaŋǧa qol qoidy. 2019 jylǧy jeltoqsanda el Prezidentı Qasym-Jomart Kemelūly Toqaev jürgızuşı qūjattaryn aqparattyq jüieler arqyly tekseru, jürgızuşılerge qūjattardyŋ qaǧaz nūsqalaryn özımen bırge alyp jürmeuge mümkındık beru turaly mäselenı köterıp, IIM-ne zaŋnamalyq aktılerge özgerıster men tolyqtyrular engızudı tapsyrdy. Jaŋa zaŋ aǧymdaǧy jyldyŋ 13 aqpanynan bastap küşıne enedı. Būryn Qazaqstanda jürgızuşı qūjattarynyŋ bırınıŋ joqtyǧy üşın eskertu (eger alǧaş ret bolsa) nemese 5 AEK üaiyppūl qarastyrylǧan bolatyn. Endı jürgızuşılerge kölıktı jürgızgen kezde özımen bırge tek bır ǧana qūjat - jeke basyn kuälandyratyn kuälıktı alyp jüru jetkılıktı. Qazaqstanda berılgen jürgızuşı kuälıgın, kölık qūralyn tırkeu kuälıgın, saqtandyru polisın, sondai-aq tehnikalyq baiqaudan ötkenın rastaityn qūjatty polisei planşet arqyly tekseredı. Al İnternet jelısıne qoljetımdılık joq eldı mekenderde jäne tas joldarda tekseru radiobailanys arnalary arqyly jüzege asyrylatyn bolady. Jaŋa normalardyŋ qazaqstandyq jürgızuşı kuälıgı joq şeteldıkterge jäne Qazaqstanda tırkelmegen kölık basqaruşylaryna qatysy joq. Avtokölıktı jürgızuşı qūjattarynsyz basqarudyŋ osyndai mümkındıgı Gruziia, Ukraina, Polşa, Latviia, Litva siiaqty memleketterde bar, ol elderde de ūlttyq zaŋnamaǧa tiıstı özgerıster engızılgen. Jürgızuşılerdıŋ qūjattaryn özımen bırge alyp jüru jäne jürgızuşı qūjattaryn ūsynu mındetın alyp tastau - būl zamanaui tehnologiialyq "servistık" polisiiany damytuǧa baǧyttalǧan taǧy bır qadam. Memleket kölıktı basqarudy edäuır jeŋıldettı, bıraq jürgızuşıler basqa jol qozǧalysyna qatysuşylardyŋ qauıpsızdıgı üşın jauapkerşılıktı este ūstauy kerek. Osy mümkındıktı paidalana otyryp, jürgızuşılerdı de, jaiau jürgınşılerdı de jol jürısı erejelerı men kölık jürgızu mädenietın mültıksız saqtauǧa şaqyrǧym keledı»,-dedı ol.
«Adyrna» ūlttyq portaly
