Maŋǧystau audanyna qarasty Ūştaǧan auylynda egızder ömırge köp keledı. Ekı myŋǧa juyq tūrǧyny bar auylda 30 egız jūp bar. Olardyŋ ülkenı 40 jasta, kışısı 4 ailyq säbiler. Auylda jyl saiyn kemınde bır egız düniege keledı eken. Demografiialyq ösımın jergılıktı tūrǧyndar taŋǧajaiyp qūbylysqa balap otyr. Būl turaly Maŋǧystau audany äkımdıgınıŋ baspasöz qyzmetı jazdy, dep habarlaidy «Adyrna» tılşısı.
Būl auylda «Egızder» dep atalyp ketken erekşe köşe de bar. Mūndaǧy 7 üide de egızder tūrady. Sondai-aq qos egız ūl-qyzdy tärbielep otyrǧan Nazarovtar otbasy da osy auyldyŋ tumalary. Analarynyŋ aituynşa bet-älpetınde eşqandai aiyrmaşylyq bolmaǧanymen mınez-qūlyqtary ekı türlı.
«Bız mūny "Täŋırdıŋ syiy" dep sanaimyz. Egız qyzymyzdan soŋ araǧa tört jyl salyp taǧy egız ūlymyz düniege keldı . Keudemızdı ärqaşan quanyş kernep tūrady. Sözben aityp jetkızu qiyn, şükırşılık etemız»,-deidı Ūştaǧan auylynyŋ tūrǧyny Aidos Nazarov.Rasymen de, bır auylda egızderdıŋ köptep düniege keluı sirek qūbylys. Mäselen, 1981 jyldan qazırgı uaqytqa deiın bırneşe egız düniege esıgın aşqan. Auyldaǧy eŋ kışkentai egız säbiler qazır 4 ailyq. Al, 2017 jyly egız ūl men qyzdy düniege äkelgen tūrǧynnyŋ aituynşa sol jyly perzenthanada bırneşe egız bala tuǧan. Mamandar «būl qūbylys älı tolyq zerttelmegenımen genetikalyq tūrǧyda bırneşe faktor äser etuı mümkın»,-deidı. Maŋǧystau audanyna qarasty būl auyl ǧana emes, älemde Ūştaǧan syndy erekşe eldı-mekender bar eken.
«Adyrna» ūlttyq portaly
