1 aqpanda elımızde Resei Federasiiasynda öndırılgen «Sputnik V» vaksinasyn egu nauqany bastalǧan bolatyn. Dese de, preparat respublikada älı tırkeuden ötpegen. Būl mälımettı Densaulyq saqtau ministrlıgı rastady, dep habarlaidy «Adyrna» tılşısı.
«Mäsele qarastyrylyp jatyr. Qūramynda 22 myŋ doza bar vaksinanyŋ bırınşı partiiasy elge äkelındı. Sonymen qatar, Qaraǧandy farmasevtikalyq keşenınde preparattyŋ täjıribelık seriiasyn öndıru üşın 6 myŋ doza kölemınde substansiia alǧanyn bılesızder. Partiia Gamaleia atyndaǧy epidemiologiia jäne mikrobiologiia institutyna onyŋ tiımdılıgı men qauıpsızdıgın rastau üşın jıberıldı. Vaksina ǧylymi-zertteu ortalyǧymen maqūldanyp, joǧary tiımdılık pen qauıpsızdıktı körsettı»,-dedı Densaulyq saqtau ministrınıŋ orynbasary Erlan Qiiasov.Belgılı zaŋger Kamişa Esmūhambetqyzy Facebook jelısındegı resmi paraqşasynda būl jaǧdaiǧa qatysty pıkırın bıldırdı.
«Densaulyq saqtau ministrı Soi Aleksei Vladimirovichtyŋ qyzmetın bosatudy talap etemın!Mūndai soraqylyq tek bızdıŋ elde ǧana bar şyǧar? Būl vaksina Qazaqstan elınde tırkelmegen bolsa, qandai negızdemege süienıp, jappai adamdarǧa salynyp jatyr? Bäse, «Densaulyq saqtau ministrınıŋ ısı şala» degen sözım anyq dälelın tapqandai. Bız ne üşın synama laboratoriiasynyŋ tūjyrymyna senıp otyru kerekpız, olar ne lisenziialy ekspert pe? Nege adamdar tekserısten ötpei jatyp ekpe alady? Sonda adam taǧdyry oiynşyq bolǧany ma? Bäse, ministrdıŋ özı būl ekpenı almai, qol astyndaǧy basşylardy paidalanǧanyn endı tüsıngendeimın. Jurnalister közımızdı aşpasa, qūjaty tırkelmegen vaksinany alyp, basymyzdy izep otyra beredı ekenbız ǧoi. Ne qazaqşa bılmeidı, ne dūrys tüsındırmeidı, ne ekpenı özı bırınşı almaityn ministrdıŋ qajetı ne? Ükımet būl mäselenı qadaǧalamai, ne ıstep otyr? Adamdardyŋ densaulyǧyna atüstı qaraityn ministrdıŋ tükke qajetı joq. Bosatsyn ornyn! Prezidentımız jaqsy bolsyn deidı, al qol astyndaǧy ministrler oiyna kelgenın ısteitın siiaqty. Vaksina adam ömırıne auadai qajet, alaida qūjattary tırkelmegen vaksina zaŋsyz bolyp esepteledı. Būl kontrabandalyq jolmen äkelınbese naq Qazaqstanda tırkeluge tiıs. Soi aldyŋǧy ministrdıŋ qatelıgın qaitalap otyrǧandai sezıledı. Ornyna halyqty oilaityn adamdy taǧaiyndau qajet dep esepteimın», — dedı ol.
«Adyrna» ūlttyq portaly
