Esep komitetı özınıŋ 2020 jylǧy jūmysynyŋ qorytyndysyn şyǧardy, dep habarlaidy «Adyrna» tılşısı.
Tötenşe jaǧdai rejimı men qataŋ karantindık şekteulerge qaramastan, komitet 117 obektıde 18 auditorlyq ıs-şara ötkızgen. Auditpen 47 trillionnan astam teŋge qamtyldy, būl 2019 jylǧa qaraǧanda 38%-ke artyq jäne 2018 jyldyŋ ūqsas körsetkışınen 9 ese joǧary.
Natalia Godunova anyqtalǧan būzuşylyqtardyŋ edäuır somasy 1,8 trln. teŋge - biudjet qarajaty men memleket aktivterın tiımsız josparlauǧa jäne paidalanuǧa tiesılı ekenıne nazar audardy. Al qarjylyq būzuşylyqtardyŋ kölemı qysqarǧan. Ol 2020 jyldyŋ qorytyndysy boiynşa 81 mlrd teŋgenı qūrady.
Jürgızılgen audit qorytyndysy boiynşa 97 lauazymdy adam tärtıptık jauaptylyqqa, 44 lauazymdy (jeke) tūlǧa jäne 11 zaŋdy tūlǧa äkımşılık jauaptylyqqa tartyldy, 31 material qylmystyq-jazalau äreketı belgılerımen qūqyq qorǧau organdaryna joldandy.
«Adyrna» ūlttyq portaly
