Qazaqstandyqtardyŋ şeteldık esepşottary älemnıŋ 100-den astam elınde ızdeletın bolady, dep mälımdedı Qarjy ministrı Erūlan Jamaubaev ükımet otyrysynda, dep habarlaidy "Adyrna" ūlttyq portaly.
"Kapitaldy şetelge eksporttauǧa jäne ekonomikany şettetuge qarsy ıs-qimyl boiynşa keşendı jūmystar jürgızılude. EYDŪ jäne Ūlttyq bankpen elektrondyq aqparat almasu aiasynda köpjaqty Konvensiiaǧa qol qoiyldy. Osy jyldan bastap bız EYDŪ-men 100-den astam iurisdiksiiadaǧy azamattarymyzdyŋ qarjylyq esepşottary turaly aqparat almasudy josparlap otyrmyz", - dedı Jamaubaev.
Sonymen qatar, ükımettıŋ soŋǧy keŋeitılgen otyrysynda memleket basşysynyŋ salyqtyq äkımşılendırudı tübegeilı oŋailatu boiynşa arnaiy mındetter qoiǧanyn eske saldy.
Ol üşın 2021 jyldan bastap jeke tūlǧalardyŋ mülıkterı men jerlerıne salynatyn salyqtar bırıktırılıp, ekı salyq ta bıryŋǧai tölemmen tölenetının alǧa tartty. Köpqabatty üi ielerıne arnalǧan jer salyǧy alynyp tastaldy.
"Salyq töleuşıler üşın mülık salyǧyn töleuge yŋǧaily bolu üşın «E-Salyq Azamat» mobildı qosymşasy ıske qosyldy. Qosymşa sızge mälımetterdı toltyrmai salyq töleuge, 2 minut aralyǧynda onlain rejimınde tolyqtyrular men avtomatty nesieler jasauǧa, artyq tölemderdı basqaruǧa jäne t.b. mümkındıkterge jol aşady", - dep aiaqtady sözın Qarjy ministrı Erūlan Jamaubaev.
"Adyrna" ūlttyq portaly
