Alatau dästürlı öner teatryna basşylyq qyzmetke taǧaiyndalǧan aitysker, aqyn Rinat Zaiytov instagram paraqşasynda pıkır qaldyrdy, dep habarlaidy "Adyrna" ūlttyq portaly.
Qadırlı aǧaiyn, bügın Alatau dästürlı öner teatryna qyzmetke taǧaiyndaldym. Jalǧan söilep, aqtaludan aulaqpyn. Degenmen de qaida baryp, ne ıstesem de barlyǧy äuelı Jaratuşy, sonan soŋ ömırlık tılekşım, saqtauşym, janaşyrym da Halyq bolǧandyqtan bır auyz tüsındırıp öteiın. Adam bır närsege qabılettı ekenın körsetpeiınşe, eşkımge eşteŋenı qūr sözben däleldei almaityny aidan anyq. Sondyqtan maǧan berılgen būl mümkındık bırınşı kezekte özıme synaq. Üş jüzge söilep jürgen aqyndaryŋyz ekı jüz adamdy jūmyldyryp jūmys ıstete almasa, onyŋ paidasy ne? Osy sözben kelısetın şyǧarsyzdar? Ömırdegı eŋ ülken tılegım öz elımnıŋ bır būryşynda qazaq önerıne adal qyzmet etu ǧana. Ony talai jerde aityp ta jürdım. Mıne sol tılegımnıŋ alǧaşqy künı bügın öttı. Qūttyqtau artyq. Sättılık tıleseŋızder, alǧysym şeksız. Almaty qalasynyŋ mädeniet basqarmasynyŋ basşylyǧyna senım bıldırgenıne köp rahmet. Äzırge osylai… – dedı Rinat Zaiytov.
