Pavlodarda Qazaqstan Respublikasynyŋ köşı-qon salasyndaǧy zaŋnamasyn būzǧan Qytai Halyq Respublikasynyŋ azamaty ūstaldy, – dep habarlaidy «Adyrna» ūlttyq portaly Polisia.kz-ke sılteme jasap.
– “Migrant” jedel-aldyn alu ıs-şarasy barysynda polisiia qyzmetkerlerı Qytai Halyq Respublikasynyŋ 40 jastaǧy azamatyn anyqtady. Atalǧan er adamnyŋ belgılı bır tūrǧylyqty jerı joq adam ekenı belgılı boldy. Ol Qazaqstan Respublikasyna 2002 jyly Şyǧys Qazaqstan oblysyndaǧy firmalardyŋ bırınde jūmys ısteu üşın kelgen. 2006 jyly Semei qalasyna köşıp, onda Qazaqstan azamatşasyna üilengen, nekede ekı qyzy bar. Er adamnyŋ aituynşa, ol Pavlodar oblysyna qaŋtar aiynda jūmysqa kelgen, – dedı Pavlodar oblysy Polisiia departamentı Köşı-qon qyzmetı basqarmasynyŋ bastyǧy Arman Uäliev.Er adamnyŋ aituynşa, osy jyldar boiy ol Qazaqstanǧa qabyldauşy tūlǧalardyŋ şaqyruymen, al soŋǧy ret jeke maqsatpen kelgen. Ol qyzdarynyŋ älı kışkentai boluyna jäne onymen bırge Qytaiǧa bara almauyna bailanysty Qazaqstanda bolu tärtıbın būza otyryp, qala beruge şeşım qabyldaǧan. Polisiia qyzmetkerlerı şeteldıkke qatysty Qazaqstan Respublikasynyŋ köşı-qon salasyndaǧy zaŋnamasyn būza otyryp,vizada nemese köşı-qon kartochkasynda körsetılgen merzım ötkennen keiın üş täulıkten asatyn merzım ışınde ketuden jaltarǧany üşın QR ÄQBtK-nıŋ 517-babynyŋ 4-bölıgı (Şeteldiktiŋ nemese azamattyǧy joq adamnyŋ zaŋnamada belgılengen merzım ötkennen keiın on täulıkten asatyn kezeŋ ışınde ketuden jaltaruynan körıngen, Qazaqstan Respublikasynyŋ halyqtyŋ köşı-qony salasyndaǧy zaŋnamasyn būzuy) boiynşa äkımşılık ıs qozǧalǧanyn, material şeşım qabyldau üşın mamandandyrylǧan äkımşılık sotqa jıberılgenın atap öttı.
«Adyrna» ūlttyq portaly
