Memleket basşysy Sifrlyq damu, innovasiialar jäne aeroǧaryş önerkäsıbı ministrı Baǧdat Musindı qabyldady, dep habarlaidy «Adyrna» tılşısı Aqordaǧa sılteme jasap.
Qasym-Jomart Toqaevqa ministrlıktıŋ 2020 jyldyŋ qorytyndysy boiynşa atqarǧan jūmystary, sifrlandyrudyŋ damu perspektivalary, sondai-aq, internet bailanysyna, sonyŋ ışınde, Prezidenttıŋ halyqqa Joldauyndaǧy auyldyq jerlerde qol jetımdılıktı arttyruǧa baǧyttalǧan tapsyrmalarynyŋ oryndalu barysy turaly esep berıldı.
Ministr Memleket basşysyna bailanys sapasynyŋ talaptary bekıtılgenı jönınde baiandady. Endı 3G/4G jelılerı üşın sapanyŋ tömengı şegı anyqtaldy. Būǧan deiın bailanys sapasynyŋ tömengı şegı reglamenttelmegen bolatyn.
Sonymen qatar radiotolqyndardy auksion formatynda anyqtau jönındegı zaŋnamaǧa engızıletın özgerıster äzırlendı. Būl 5G jelısıne köşude maŋyzdy röl atqarady. Sondai-aq engızıletın özgerısterge säikes bailanys sapasynyŋ parametrlerın būzǧany üşın salynatyn aiyppūl kölemı 1000 AEK bolmaq.
Prezidentke memlekettık qyzmet körsetudıŋ qol jetımdılıgın qamtamasyz etu üşın qabyldanǧan şaralar turaly baiandaldy.
Ministr eGov mobile mobildı qosymşasyna biometriialyq säikestendıru jüiesın engızu jaiynda aitty. Būl halyqtyŋ memlekettık qyzmet körsetu jüiesıne tırkelıp, qyzmet alu uaqytyn edäuır qysqartuǧa mümkındık beredı. Qasym-Jomart Toqaev atalǧan qosymşa arqyly memlekettık qyzmet körsetu jūmystaryn tezdetudı tapsyrdy.
Prezidentke «Halyq ünıne qūlaq asatyn memleket» tūjyrymdamasyn jüzege asyru aiasynda qolǧa alynǧan e-aryz-şaǧymdar qyzmet jüiesı tanystyryldy. Būl azamattardyŋ kompiuter tüimesın bırneşe märte basu arqyly ötınış-şaǧymdaryn beruıne jäne jedel türde memlekettık organdardan jauap aluyna mümkındık beredı. Memleket basşysy osyndai qyzmettıŋ qūryluyna qoldau bıldırıp, ony tiımdı engızuge tapsyrma berdı.
Sonymen qatar Baǧdat Musin Qasym-Jomart Toqaevqa «Azamattarǧa arnalǧan Ükımet» memlekettık korporasiiasynyŋ jūmysy, onyŋ ışınde, bükıl elımız boiynşa halyqqa qyzmet körsetetın 115 ortalyqty jaŋǧyrtu jospary turaly aitty. Osyǧan bailanysty memlekettık korporasiianyŋ kadrlyq äleuetın arttyru mäselesı öte maŋyzdy bolmaq.
Qasym-Jomart Toqaevqa basşylyq qyzmetterge ümıtkerlerdı, sonyŋ ışınde, Halyqqa qyzmet körsetu ortalyqtarynyŋ jetekşılerın ırıktegende prezidenttık jastar kadrlyq rezervınıŋ täjıribesın paidalanatyny jönınde mälımet berıldı. Memleket basşysy būl ideiany qoldap, ırıkteu üderısınıŋ barynşa aşyq boluyn qamtamasyz etudıŋ maŋyzdylyǧyna nazar audardy. Būl jūmystar Memlekettık qyzmet ısterı agenttıgımen bırlese atqarylady.
Baǧdat Musin Qasym-Jomart Toqaevqa «Sifrlyq Qazaqstan» ūlttyq jobasynyŋ transformasiialanu üderısı turaly baiandady. Onda memlekettıŋ azamattarmen özara yqpaldastyǧyna, halyqtyŋ mäselelerın şeşuge bailanysty barlyq tynys-tırşılıktı esepke aluǧa basa män berıledı.
Būdan bölek ministr Memleket basşysyna qazaqstandyq «KazSat» bailanys serıgınıŋ jüiesın damytu jönınde baiandady. Atap aitqanda innovasiialyq şeşımderdıŋ paidasy üşın, sonyŋ ışınde bailanys serıkterınıŋ jaŋa türlerınıŋ şyǧuymen bailanysty «KazSat-2R» jobasyn toqtatu turaly şeşım qabyldandy. Būl biudjettıŋ milliardtaǧan teŋge qarjysyn ünemdeuge mümkındık beredı.
«Adyrna» ūlttyq portaly
