Türkıstan oblysynyŋ tūrǧyny jüz bır jasynda jaŋa jeke kuälıgın aldy, dep habarlaidy «Adyrna» tılşısı Polisia.kz-ke sılteme jasap.
«Sozaq APB-nıŋ polisiia qyzmetkerlerı jergılıktı tūrǧyndarǧa, sonyŋ ışınde qarttarǧa, ŪOS ardagerlerı men mümkındıgı şekteulı jandarǧa qūjatyn jasap beruge, ary-berı sandaltpauǧa ünemı kömek körsetıp otyrady. Osy maqsatta Sozaq APB-nıŋ qyzmetkerlerınen qūrylǧan mobildık top halyq arasynda sūrastyru jūmystaryn jürgızıp, jeke kuälıgınıŋ merzımı ötken, bır ǧasyr jasaǧan äjenı anyqtady. Sodan keiın aq jaulyqty anany şarşatpastan qajettı qūjattaryn jinaqtap, foto-beinege tüsırdı»,-delıngen habarlamada.Osylaişa Sozaq audanynyŋ tūrǧyny Syrǧakül Kerımbekovaǧa jeke kuälıgın qaita jasap beruge kömek berılıp, daiyn qūjaty tabystaldy. Öz kezegınde 101 jasqa kelgen keiuananyŋ kuanyşynda şek bolmady. Ol polisiia qyzmetkerlerıne jäne olardy basqaryp otyrǧan basşylaryna analyq alǧysyn jaudyrdy.
«Adyrna» ūlttyq portaly
