Elımızge belgılı dıntanuşy ǧalym Qairat Joldybaiūly soŋǧy uaqytta qoǧamda oryn alyp jatqan oqiǧalarǧa bailanysty özınıŋ kökeiındegı aşy şyndyqty feisbuktegı jeke paraqşasyna jazypty. Dıntanuşy ǧalym:
"Gerbtıŋ qūlauy, esıktıŋ tüsuı jai ǧana kezdeisoqtyq emes. Közboiaşylyqtyŋ, sapasyzdyqtyŋ, jemqorlyqtyŋ nätijesı. Oblystyŋ eŋ lauazymdy tūlǧalarynyŋ aldynda osylai qirap jatsa, basqa jaqta ne bolyp jatqanyn bır Qūdaidyŋ özı bıledı. Bes balanyŋ ölımı taǧdyrdyŋ ısı deimız. Bıraq halyqty dūrys jūmyspen qamtamasyz etu, olardyŋ oqyp-bılulerıne barynşa jaǧdai jasau, elge baǧyt-baǧdar berıp, jan-jaqty jetıldıru, sapaly ūlt qalyptastyru memlekettıŋ jauapkerşılıgındegı dünie.
Jalpy otyz jyl az uaqyt emes. Ekonomika joq. Jasandysynyŋ özı qūldilap qūlady. Demografiialyq ösım de, ūlttyq ideologiia da joq. Tılımızdıŋ esıkten syǧalaǧan siqy anau. Täuelsız sot jüiesı bolǧan emes. Saiasi dūrys jüie jasalmady. Jüie bır kısıge bailanǧan. Memlekettıŋ bar bailyǧy tonalǧan. Jemqorlyq bar salany jailaǧan.
Kedei halyqtyŋ sany kün sanap artuda. Qymbatşylyq qysyp barady. Dınnıŋ özı saiasilanyp, äldebır mekemelerdıŋ quyrşaǧyna ainaldy. Oi aityp, “qoi” deitın ziialy qauym jaǧympazdyqpen jarysyp, madaq-marapattyŋ soŋynda jür. Sonda otyz jyldy qalai atap ötuımız kerek özı?
Marqūm Altynbek Särsenbaiūlynyŋ: “zauytty, qalany qaryzdanyp bolsa da saluǧa bolady. Bıraq qandai qoǧam, nendei jüie qalyptastyrdyŋ? Jetıstık osymen ölşenuı kerek” degen sözı oryndy aitylǧan aqiqat söz!"- dep, özınıŋ oiyn jetkızgen Qairat Joldybaiūly.
"Adyrna" ūlttyq portaly
