L.N.Gumilev atyndaǧy Euraziia ūlttyq universitetınıŋ jastary astanadaǧy qarttar üiınıŋ aulasyn tazartyp, qaiyrymdy ıster bastamasyna qosyldy.
El Täuelsızdıgınıŋ 30 jyldyǧyna orai «Qaiyrymdy ıster marafony» jalpyūlttyq jobasynyŋ aiasynda ūiymdastyrylǧan şaraǧa jiyrmadan asa student qatysty. Olar Nūr-Sūltan qalasy, Aqqorǧan köşesı boiynda ornalasqan «Şarapat» äleumettık qyzmet körsetu ortalyǧy aumaǧyn qardan tazartty.
Aita keteiık, «Qaiyrymdy ıster marafony» bastamasyn byltyr jeltoqsan aiynda Volonter jylynyŋ jabylu räsımınde Qazaqstannyŋ Prezidentı Qasym-Jomart Toqaev jariia etken bolatyn.
Prezident Täuelsızdıktıŋ 30 jyldyǧy – el damuyndaǧy asa maŋyzdy beles, tarihi meje jäne jetıstıgımızdı saralap, bolaşaǧymyzdy baǧamdaityn kezeŋ ekenın atady. Al biyl özınıŋ şirek ǧasyr – 25 jyldyǧyn atap ötetın Euraziia ūlttyq universitetınıŋ jastary mūndai igı şaradan syrt qalǧan emes.
«Būl bızdıŋ alǧaşqy nemese soŋǧy qolǧabysymyz emes, aldaǧy uaqytta mūndai igı ısterımız öz jalǧasyn tabatyn bolady. Aldaǧy uaqytta qalamyzdaǧy jalǧyz basty qariialar men balalar üiınıŋ tärbielenuşılerımen de türlı şaralar ūiymdastyramyz»,- deidı Jastar ortalyǧynyŋ töraǧasy Aian Sälımgereev.Jalyndaǧan jastardyŋ būl qaiyrymdy ısıne qarttar üiınıŋ qyzmetkerlerı men qariialar alǧystaryn bıldırdı
