Muqaǵalı Maqataevtyń óleńderi

6225
Adyrna.kz Telegram

Muqaǵalı Maqataev – «Men seni saǵynǵanda»

Men seni saǵynǵanda,
Qaramaı jaýyndarǵa, daýyldarga,
Qarsy qarap júzemin aǵyndarǵa,
Keýdemde qımyldaǵan janym barda,
Men seni saǵynǵanda,
Bir mınýt ta qaqym joq damyldarǵa.
Men seni qyzǵanamyn,
Qyzǵanyshtan muz shaınap,
Tuz jaladym.
Shańqyldap aldymnan shyq,
Ana-qyran,
Alystan keledi ushyp muzbalaǵyń.
Tákappar eń, órlikke bola týǵan,
Jet tezdep,
Daýyl turǵyz qanatyńnan.
Sen - mendik, men - sendikpin, ana-qyran,
Qyranbyz, qyrandardan jaratylǵan!
Saǵynyshtyń saǵymyn jamylǵanda,
Qaramaı qara nóser qaǵynǵanǵa,
Saǵan usham,
Qalmaıdy sabyr janda,
Men seni saǵynǵanda, saǵynǵanda...

Muqaǵalı Maqataev – «Áıelder-aı»

Áıelder-aı!
Áıelder!
Qandaısyń?!
Ádemi bop ketipsiń ǵoı árqaısyń.
Bireý jerip tursa-daǵy qalmaısyń,
Bireý súıip tursa-daǵy barmaısyń.
Áıelder-aı!
Áıáılar-aı, qandaısyń?!
Áıelder-aı!
Áıáılar-aı, qýlar-aı,
Janarlardyń jaýyn alyp turǵany-aı!
Bile tura búırekteriń búlk etip,
Ketesińder tyńdaı tura, tyńdamaı.
Áıelder-aı!
Áıáılar-aı, qýlar-aı!
...Áıelderdi erkekterden kóp deıdi.
Oıbaı,
Oıbaı!..
Bola bersin kóp, meıli!
Áıel degen ádemi ǵoı, ádemi,
Ádemilik bizge kóptik etpeıdi...

Muqaǵalı Maqataev – «Baıqa, qalqam!»

Qalaı ?!!
Qalaı?!
Qalqam, maǵan ne dediń?!
Men ózimdi zertteı almaı kelemin.
Ózim jaıly jalǵyz ǵana deregim -
Ózgelerge túsiniksiz óleńim.
Ómirim bar, ókpem de bar, naz-muń da.
(Ańdap kórgeı, ózim jaıly jazdym ba?!
Qarshadaıdan ómir keship saz, qumda,
Aqylymdy at tepti me, azdym ba?!
Túsinbeımin nege keldim?!
Hege óttim?
Myna ómirde neni joıdym, neni ektim?!
Baıqa, qalqam!
Men de saǵan kerekpin!
(...Qazir qys qoı, japyraqsyz terekpin.)

Muqaǵalı Maqataev — «Ǵashyqpyn»

Ǵashyqpyn! Shyn ǵashyqpyn sol adamǵa!

Men bolmasam, bolmaıyn. Sol aman ba?!

O, táńirim! Netken jan qaırylmaıtyn!

Júregi etten be álde qoladan ba?!

Ǵashyqpyn. Qaıtip ony jasyra alam,

Bir altyn onyń ár tal shashy maǵan.

Saǵynaıyn, taýsyla saǵynaıyn,

Saǵynyshqa jaralǵan ǵashyq adam.

Sharyqtap, qolym jetpes kókte Kúnge,

Aq qanat qusym meniń ketkeniń be?

Sharq uryp bar ǵalamdy shyr aınalyp,

Máńgilik seni izdeýmen ótkenim be?

Sarǵaıǵan saǵynyshty basyp tolyq

Bar úmit, bar senimdi shashyp bolyp

Ótermin sirá da men bul ómirden

Máńgilik qalarmyn men ǵashyq bolyp.

Pikirler