Elım deitın bır börı tuylsa, ony talaityn ekı it qosa tuylady
Äleumettık jelıdegı jūrtty eleŋ etkızgen "JIGITTIŊ JAQSYSY - TÜRMEDE, ATTYŊ JAQSYSY- KERMEDE" atty Demos QB töraǧasy Qūsaiynov Tūrarbektıŋ maqalasy «Adyrna» ūlttyq portalyna şyǧyp (adyrna.kz), qyzu talqylauǧa tüstı. Bıraq avtor belgılı qoǧam belsendılerı Aron Atabek pen Maks Boqaevtyŋ jeke basyna qarata jazǧan postyn bügın alyp tastapty. Soǧan bailanysty men de öz oiymdy aita ketkım keldı. Belgılı azamattyŋ būlai söileuıne men de jauap bergım keldı.
Bızdıŋ qoǧam öte ūzaq uaqyt boiy özıne köş bastaiyn tūlǧany ızdeumen keldı. Osy uaqytqa deiın bızdıŋ qoǧamda özınıŋ ışınen şyqqan köşbasşyny qoldauǧa daiyn būqaranyŋ demokratiialyq qūndylyqtarǧa jūmys jasauy jäne prinsipşıldıgı pısıp jetıldı me? 30 jyl boiyna bızdıŋ qoǧamda oppozisiialyq toptan bolsyn, azamattyq qoǧamnyŋ ortasynan bolsyn bır tūlǧanyŋ halyqty soŋynan jetektep ketetın uaqyty da boldy emes pe... Tūlǧalar bar. Oǧan eretın halyq bar ma? Bıraq, nege ekenı tüsınıksız, tūlǧanyŋ eşbırı bızdıŋ qoǧamnyŋ talǧamyna sai keletın türı joq. Şynyn aitqanda, bızge qandai tūlǧa kerek? Öte qiyn sūraq.
Bız qoǧam bolyp adam balasyna tüsınıksız bır jolairyqqa kelıp tūrmyz. Būl bärımızdı oilandyrsa da, bır şeşımge kele almaudamyz. Tūlǧa şyqsa, ony jerden alyp jerge salamyz. Bıraq jūmyla otyryp, sol tūlǧanyŋ soŋynan erıp, ony qoldap, qūzyrly ornyna otyrǧyzatyn qoǧam emes siiaqtymyz. Būlai söileudıŋ özı de auyr. Köptı kınälau da dūrys emes. Keşırersızder! Bız ne ısteuımız kerek?
Osy uaqytqa deiın halyqtyŋ oi-sanasynda halyq batyrlary bolyp kelgen azamattyq qoǧamnyŋ belsendılerın Qūsaiynov Tūrarbek maqtamen bauyzdapty. Onyŋ oiynşa, Aron men Maks türmedegı oryndy yŋǧaily körıptı. Sebebı, olarǧa qoǧam belsendılerınıŋ tarapynan barlyq jaǧdailar jasalyp otyr eken. Öz basym osyǧan sene almaimyn. Būl mümkın de emes. Sonda türmede otyrǧan Aron men Makske barlyq jaǧdaidy Tūrarbek jasap otyrǧan ba? Belgılı azamatqa osylai bösudıŋ özı ūiattau bolar.Är tūstan attandap şapqylaǧan osyndai belsendıler tūrǧanda, bızdıŋ qoǧamnyŋ eşqaşan da basy bırıkpeidı. Mümkın qoldan bırıktırmei otyrǧan şyǧar... Qazırgı jaǧdaida qoǧamnyŋ ortaq ideiaǧa bırıgıp, jūmys jasap ketuı mümkın emes siiaqty. Batyrdy maidan tudyrady degen ertedegı qaǧida qazırgı aqparattyq, tehnologiialyq zamanda jüre bermeidı. Sebebı, bızdıŋ zaman bılım men bırlıktıŋ ǧana zamany. Bız qaşan bılımdı, bılıktı, käsıbi adamdar bola alamyz, sonda ǧana ūlttyq ortaq ideialarǧa jūmys jasai bastaimyz. Oǧan deiın būl bolmaidy.
Mūny jaza otyryp, men öz basym bıreudı aqtamaimyn da, dattamaimyn da. Menı oilandyratyn bır sūraq bar. Bız mynadai türımızben özımızdıŋ talǧamymyzǧa sai keletın köşbasşyny qaidan tabamyz? Ortaq ūlttyq ideialarǧa bırıge otyryp jūmys jasai almaityn qoǧam köş bastap şyǧatyn azamattardyŋ qadırıne jete me? Zamanaui proseske, saiasi aǧymǧa reali közqaraspen qaramai, jalǧyzdy alǧa salyp qoiyp, bız eşqaşan da köşbasşy tūlǧany taba almaimyz.Menıŋ oiymdaǧy Maks – ol jerdıŋ taǧdyry üşın türmede otyrdy. Menıŋ oiymdaǧy Aron – ol halyqtyŋ joǧyn joqtap 10 jyldap älı künge deiın türmede otyr. Aramyzda osyndai Tūrarbekter köbeise, qazırgı tūraqtylyq ta saqtalyp tūra beretın siiaqty. Tūrarbek, saǧan sūraq. Türmedegı Aron men Makstyŋ jaǧdaiyn sen jasap jürgensıŋ be?
Bekbolat QARJAN,
«Adyrna» ūlttyq portaly
