QR Premer-Ministrı Asqar Maminnıŋ töraǧalyǧymen ötken Ükımet otyrysynda tūrǧyn üi saiasatyndaǧy jaŋa täsılder qaraldy, dep habarlaidy «Adyrna» tılşısı primeminister.kz-ke sılteme jasap.
İndustriia jäne infraqūrylymdyq damu ministrı Beibıt Atamqūlov, «Bäiterek» ūlttyq basqaruşy holdingı» AQ basqarma töraǧasy Aidar Ärıphanov, «Otbasy bankı» basqarma töraǧasy Läzzat İbragimova, «Qazaq stroy» JŞS atqaruşy direktory Nūrlan Artyqbaev, Şyǧys Qazaqstan oblysynyŋ äkımı Danial Ahmetov, Qaraǧandy oblysynyŋ äkımı Jeŋıs Qasymbek, Şymkent qalasynyŋ äkımı Mūrat Äitenov, Nūr-Sūltan qalasynyŋ äkımı Altai Kölgınov, Premer-Ministrdıŋ orynbasary Roman Skliar baiandama jasady.
«Tūrǧyn üi saiasatyn tiımdı ıske asyru Elbasy Nūrsūltan Äbışūly Nazarbaevtyŋ 2030 jylǧa qarai baspanamen qamtamasyz etudı 1 adamǧa 30 şarşy metrge deiın jetkızu turaly tapsyrmasyn oryndauǧa mümkındık beredı. Memleket basşysy Qasym-Jomart Kemelūly Toqaev «Nur Otan» partiiasynyŋ sailaualdy baǧdarlamasyn tanystyrǧan kezde aldaǧy bes jylda 100 mln şarşy metrden astam üi saludy tapsyrdy. Osylaişa bız 1 mln juyq otbasyny üimen qamtamasyz ete alamyz», — dedı A. Mamin.Premer-Ministr alǧa qoiylǧan auqymdy mındetterdı ıske asyru üşın tūrǧyn üi saiasaty reformalanyp jatqanyn atap öttı. Jaŋa şaralar keşenı tūrǧyn üidıŋ qoljetımdılıgın odan ärı arttyrudy, jalǧa berıletın tūrǧyn üi qūrylysyna jeke qūrylys saluşylardyŋ investisiialar aǧynyn yntalandyrudy közdeidı. Naryq jaǧdaiynda tūrǧyn üidı qarjylandyru kölemın arttyru boiynşa täsılder äzırlendı. Būl jūmystyŋ negızgı qūraly «Nūrly jer» memlekettık baǧdarlamasy aiasynda jeŋıldıkpen berıletın tūrǧyn üilerdı sata otyryp, mūqtaj azamattardyŋ kezegın ortalyqtan qalyptastyryp, jürgızetın «Otbasy bank» qūrylǧan. Biyl barlyǧy 17 mln şarşy metr tūrǧyn üidı paidalanuǧa beru közdelgen, būl ötken jylmen salystyrǧanda şamamen 2 mln şarşy metrge artyq. İmporttalatyn qūrylys materialdarynyŋ otandyq öndırısın damytu aiasynda jaqyn arada gaz-beton bloktaryn, qasbettık fibrosementtı plitalar, jylu oqşaulaǧyş materialdar, sendvich-panelder, temır-beton konstruksiialaryn, keramikalyq plitalar öndıru boiynşa jalpy qūny 63 mlrd teŋgeden asatyn jeke investorlardyŋ jobalaryn ıske asyru josparlanyp otyr. Premer-Ministr osy jyldyŋ 25 nauryzyna deiın tūrǧyn üi saiasatyndaǧy jaŋa täsılderdı ıske asyru jäne biyl «Nūrly jer» memlekettık baǧdarlamasyna tiıstı özgerıster engızu üşın zaŋnamaǧa tüzetuler engızu turaly zaŋ jobasyn Ükımetke engızudı tapsyrdy.
«Öŋırlerde qūrylys mausymyn uaqytyly bastau maŋyzdy. Jer uchaskelerın der kezınde bölıp, olarǧa qajettı infraqūrylym jürgızu kerek», — dedı A. Mamin.İndustriia jäne infraqūrylymdyq damu ministrlıgıne «Samūryq-Qazyna» ŪÄQ» AQ jäne «Atameken» ŪKP-men bırlesıp, osy jyldyŋ 15 nauryzyna deiın qūrylys industriiasyn damytu jönındegı ıs-şaralardyŋ egjei-tegjeilı josparyn äzırlep, Ükımetke engızu tapsyryldy.
«Adyrna» ūlttyq portaly
