Köpbalaly analar taǧy bas köterude (video)

Bügın Aqtöbe oblysy äkımdıgıne kelgen köpbalaly analar Oŋdasyn Orazalinmen kezdese alǧan joq. Janaiqailaryn aityp şyryldaǧan analardy bır top şeneunık pen küzet qyzmetı kütıp aldy, dep habarlaidy  «Adyrna» ūlttyq portaly Arasha.kz tılşısıne sılteme jasap. Oblys äkımdıgıne barǧan 50-ge juyq köpbalaly ana Oŋdasyn Orazalinnıŋ kabinetıne baruǧa ūmtyldy. Äkımnıŋ aldyna şyǧyp, jaǧdaidy şeşudı sūraǧan analar baspana mäselesın şeşudı jäne är balaǧa 42 500 teŋgeden töleudı sūrady. «Azyq-tülık baǧasyn nege baqylamaisyzdar? Bärınıŋ qūny ūşyp tūr. Balama kiım tügılı, tamaq alyp bere almai qinalyp otyrmyn. Äkımdıkke qanşama ret keldık, äkımmen kezdesıp körgen emespız. Analar mäselesı nege şeşılmeidı? Osy jerge kelgender erıgıp jürgen joq. Bärı de baspana mäselesımen qinalyp jür»,- dedı köpbalaly ana Güldana Skakova. Bes balamdy üige qamap kettım dep şyryldaǧan ana jūmyrtqa satyp ala almai otyrǧanyn aityp, jylap jıberdı. «Men jataqhananyŋ bır bölmesınde bes balammen tūramyn. Joldasym ǧana jūmys ısteidı. Özım balalardyŋ qasynda otyramyn. Sızderge aitaiyn, balalarym jūmyrtqa jegımız keledı dep jylaidy.  Bır jūmyrtqanyŋ baǧasy – 50 teŋge. On danasyn alsaŋ, 500 teŋge bolady. Sony alyp bere almaimyn. Qinalyp kettım. Äkımdıktegıler qymbatşylyqty nege baqylamaidy?! Bız, analar är balaǧa memleket 42 500 teŋgeden töleuın sūraimyz»,- deidı  Janar Qūlmanbetova. Analar äkım otyrǧan kabinetke kıruge ūmtylǧanymen, nätije şyqqan joq. Äkımdık küzetı tabaldyryq aldynan ärı asyrǧan joq. Bırneşe basqarmanyŋ basşysy men oblys äkımınıŋ orynbasary analardy jekelep qabyldap, sūraqtaryn tyŋdady. Oblys äkımınıŋ şyqpaitynyn aitty. «Oblys basşysy mäslihat sessiiasyna qatysyp jatyr. Analardyŋ sūraǧyn jekelep tyŋdaimyz. Şeşu joldary tüsındırıledı. Zaŋ aiasynda şeşu joldary tüsındırıledı. Tūrǧyn üi mäselesıne qatysty zaŋ bar, tızım bar»,- dedı oblys äkımınıŋ orynbasary Meirambek Şermaǧambetov. Qala äkımınıŋ orynbasary da baspananyŋ tek kezekpen berıletının tüsındırdı. «Qazır qalada 2000-nan asa köpbalaly ana baspana kezegınde tūr. Baspana zaŋ aiasynda berıledı. Jospar boiynşa biyl 9 qabatty on üi tapsyrylady. Analar kezekke qaramai baspana beru jaiyn köterdı. Ökınışke qarai, ol mümkın emes. Barlyq sūraq zaŋ aiasynda şeşıledı»,- dedı Aqtöbe qalasy äkımınıŋ orynbasary Azamat Beket. https://www.youtube.com/watch?v=4eleZXdJ2p4&feature=emb_title