Koronavırýstyq indetpen birlesken kúres maqsatynda Azııadaǵy ózara is-qımyl jáne senim sharalary keńesindegi (AÓSShK) qazaqstandyq tóraǵalyq aıasynda gýmanıtarlyq kómekti Aýǵanstan, Irak jáne Palestınaǵa tabystaýdyń resmı rásimi ótti, dep habarlaıdy «Adyrna» tilshisi SIM baspasóz qyzmetine silteme jasap.
Gýmanıtarlyq kómektiń demeýshisi «HALYK» qaıyrymdylyq qory boldy.
Qazaqstan Syrtqy ister mınıstrliginiń ǵımaratynda ótken saltanatqa Syrtqy ister mınıstriniń Birinshi orynbasary Shahrat Nuryshev, AÓSShK Hatshylyǵynyń Atqarýshy dırektory Qaırat Sarybaı, «HALYK» Qaıyrymdylyq qorynyń dırektory Saǵynbek Shýnkeev, Palestına Elshisi Mýntaser Abý Zeıd, Aýǵanstannyń Ýaqytsha senimdi ókili Azızýla Omar jáne Iraktyń Ýaqytsha senimdi ókili Mohammed Mohsın qatysty.
Rásim barysynda Sh.Nuryshev AÓSShK-tiń «Epıdemıologııalyq qaýipsizdik, qoǵamdyq densaýlyq saqtaý jáne farmaevtıka» jańa senim sharasy aıasynda Qazaqstan dostyq memleketterge gýmanıtarlyq kómek bólýde, bul halyqaralyq qoǵamdastyqta ózara qoldaýdyń erekshe qajettiligin kórsetetinin atap ótti.
«Adyrna» ulttyq portaly
