Bügın – şūraily jyrdan öşpes mūra qaldyrǧan düldül aqyn, jyrau, Jambyl Jabaevtyŋ tuǧan künı. Ol 1846 jylǧy aqpan aiynyŋ 28-ı künı Jambyl oblysyndaǧy Jambyl tauynyŋ etegınde düniege kelgen. Ūly jüz Şapyraşty taipasynyŋ ışındegı Ekei ruynan şyqqan.
Jambyl - ärı epik, ärı aitys aqyny, abyz jyrau häm jauynger jyrşy. Ol şyn maǧynasyndaǧy biık parasatty önerpaz, azamattyq saiasi poeziiany qalyptastyruşy.
Jastaiynan aqyndyq önerge qūmartqan Jambyl 14 jasynda jyrdyŋ pırı Süiınbai aqynnan bata alyp, söz önerınıŋ daŋǧyl jolyna tüsedı.
Jambyldyŋ ūlylyǧy onyŋ tek aqyndyq şeberlıgımen ǧana emes, sonymen bırge halyq poeziiasynyŋ būtaq jaiǧan jaŋa bır bäiteregı boluymen, basqaşa aitqanda , halyq aqyndarynyŋ jasampazdyq ruhtaǧy jaŋa ūly köşın bastaǧan daralyǧymen de ölşenedı. Onyŋ sözderı ūranǧa ainalyp, özı halyq poeziiasynyŋ atasy ataldy. Ol jyraulardyŋ baitaq epikalyq dästürın, qazaq söz önerındegı ǧajaiyp improvizasiialyq ürdıstı bütındei jaŋa arnaǧa būryp, oǧan jaŋa mazmūn darytty.
Nazarlaryŋyzǧa aqynnyŋ naqyl sözderın ūsynamyz.
Eldıŋ sertı — er sertı.
Aqyn ǧarıp emes pe,
Baidy ötırık maqtasa.
Zaman ǧarıp emes pe,
Ädıletten attasa.
Jamanǧa ūiqy – joldas, tamyr – tamaq, Bolmaidy köŋılınde basqa talap.
Şeşen kısı söz bastar,
Adal kısı – el bastar.
Än — halyq ünı, onyŋ şyndyǧy, onyŋ oiy men sezımı
Etken eŋbek, tökken ter
Qalai tükke tatymas?!
Qorqaq adam qor bolar,
Köleŋkeden qorǧalar.
Gülfairuz MYQTYBEKOVA,
Almaty qalasyna qarasty
Alatau audanynyŋ 182 jalpy bılım beretın mekteptıŋ mūǧalımı
