Resei Federasiiasynda Araldy qūtqaru halyqaralyq qoryna qoldau körsetu boiynşa arnaiy baǧdarlama äzırlenıp jatyr. Būl turaly Reseidıŋ Qazaqstandaǧy elşılıgı habarlady.
Būl baǧyttan bölek, joba su şaruaşylyǧyn damytuǧa jäne 2021-2030 jyldary Ortalyq Aziia elderınıŋ klimattyq tūraqtylyǧyn nyǧaituǧa baǧyttalǧan.
"Būl Reseidıŋ tiıstı öŋırlık jobalardy ıske asyruǧa qatysu arqyly Qazaqstanmen ekologiia salasyndaǧy dialogty odan ärı keŋeituge müddelı ekendıgın bıldıredı", - delıngen elşılıktıŋ saitynda jariialanǧan habarlamada.Sondai-aq Qazaqstan men Resei arasynda ekologiia jäne qorşaǧan ortany qorǧau salasynda syndarly dialog qūrylǧany atalyp ötken. "Bızdıŋ elderımızdıŋ prezidentterı ekıjaqty yntymaqtastyqtyŋ osy baǧytyna erekşe nazar audarady. Salalyq vedomstvolar tūraqty bailanys ornatqan, qorşaǧan ortany qorǧau mäselelerı jönındegı Resei-Qazaqstan aralas komissiiasy, Jaiyq transşekaralyq özenı basseinınıŋ ekojüiesın saqtau jönındegı Resei-Qazaqstan komissiiasy tabysty jūmys ıstep jatyr", - delıngen habarlamada. Kün tärtıbınde transşekaralyq özenderdıŋ basseinderın jaqsartu, aqböken men Kaspii itbalyqtarynyŋ populiasiiasyn saqtau, jasandy qorǧanyş orman beldeulerın qūru, ört söndıru ūiymdarynyŋ bırlesken oqu-jattyǧularyn ötkızu, auru oşaqtarynyŋ aldyn alu men joiu boiynşa özara ıs-qimyl mäselelerı tūr. Sonymen qatar, 2020 jyldyŋ jeltoqsan aiynyŋ soŋynda 2021-2024 jyldarǧa arnalǧan Jaiyq transşekaralyq özenı basseinınıŋ ekojüiesın saqtau jäne qalpyna keltıru boiynşa Resei-Qazaqstan yntymaqtastyq baǧdarlamasyna qol qoiyldy. Qūjat ekojüienı qalpyna keltıru, lastanu közderın anyqtau, su ötkızgışterdı qaita qūru, su obektılerın tazartu jäne qalpyna keltıru boiynşa ǧylymi negızdelgen ūsynystar äzırleudı közdeidı.
"Ertıs özenı boiynşa da osyndai kelısımder jasaldy, sarapşylar basseinnıŋ gidrohimiialyq jäne gidrologiialyq jaǧdaiyne taldau jasaidy. Būl baǧdarlamalarǧa qol qoiu Resei-Qazaqstan qatynastarynyŋ maŋyzdy kezeŋı dep sanaimyz", - dep mälımdedı diplomatiialyq missiia.
