Türkıstan tas joldaryn tazalauǧa jüzdegen tehnika şyqty

Türkıstan qalasyn sanitarlyq tazalauǧa 83 arnaiy tehnika jūmyldyrylǧan. Aldaǧy uaqytta olardyŋ sanyn 100-den asyru josparda bar dep habarlaidy «Adyrna» ūlttyq portaly Türkıstan oblystyq baspasöz qyzmetıne sılteme jasap. Tazalyq nauqanyna daiyndyqpen tanysqan oblys äkımı Ömırzaq Şökeev küşeitılgen rejimge köşudı tapsyrdy. Qala köşelerın kül-qoqystan tazartyp, joldardy juuǧa arnalǧan san aluan türlı tehnika Türkıstan köşelerıne şyqty. Atalǧan jūmystar tynymsyz jürgızıletın bolady. Türkıstan qalasynda tazalyq nauqany jürıp jatyr. Är senbı künı qala aumaǧynda jalpyhalyqtyq senbılık ūiymdastyryluda. Şaraǧa atsalysqan azamattar alǧys hatpen marapattalady. Qalany qoqystan tazartyp, tazalyqty saqtauǧa järdem berıp, janaşyrlyq tanytqan jandar tal egu jūmystaryna da belsendı qatysuda. Qala tūrǧyndary öz aulalary men köşe aumaqtaryndaǧy qoqystar, aryqşa ışterın tazalasa, qyzmetkerler mekeme maŋdaryna tazalyq jūmystaryn jürgızude. Qaladaǧy qūrylys nysandarynda jürgızılıp jatqan jūmystardyŋ barysymen tanysqan oblys basşysy şahardy jaryqtandyruda qolǧa alynǧan jaŋa jobalarmen tanysty. Türkıstandaǧy barlyq ırı ǧimarattar, saiabaqtar, köpırler men demalys oryndary bır ülgıde jaryqtandyrylyp, qalaǧa qaitalanbai reŋk berdı. Köne şahar bırneşe baǧytta körkeiıp, zamanaui tehnologiialardyŋ kömegımen «aqyldy qalaǧa» ainaluda.