Türkıstan oblysynda gaz jelılerı jappai tekserıledı

Türkıstan oblysynda är üidegı gaz qūrylǧylarynyŋ ornatylu tärtıbı jappai tekserıledı. Tabiǧi gazdy tūrmysta paidalanu kezındegı qauıpsızdık talaptary tolyq saqtaluy tiıs dep habarlaidy «Adyrna» ūlttyq portaly Türkıstan oblystyq baspasöz qyzmetıne sılteme jasap. Türkıstan oblysynyŋ äkımı Ömırzaq Şökeev aptalyq mäjılıste osyndai tapsyrma berdı. Oblys basşysy gaz peşterın ornatuda jıberılgen qatelıkter üşın jauaptylarǧa şara körudı mındettedı. «Bügınnen bastap, barlyq äkımderge de aitamyn, gaz kırgen jerlerdıŋ barlyǧyn tekserıp şyǧu kerek. Şūǧyl türde. Är aulany aralap jürıp, tekseru kerek. Qajet bolsa, sol gazdy ornatqan mekemenı jazalau kerek», –dedı oblys äkımı. Oblys basşysynyŋ töraǧalyǧymen ötken otyrysta ortalyqtandyrylǧan gaz jüiesıne qosylǧan tūrǧyn üilerdı tolyqtai tekserıp şyǧu, jazataiym oqiǧanyŋ aldyn alu jükteldı. Talap būzylǧandar tabiǧi gazdan ajyratyluy mümkın. Osy mäselege qatysty oblystyq TJD basşysy Nūrǧali Jünısov baiandama jasady. Aituynşa, jylytu mausymy bastalǧaly ügıt-nasihat jūmystarynyŋ barysynda 45 myŋnan astam ört qauıpsızdıgınıŋ kemşılıkterı anyqtalyp, retke keltırılgen. «Arnaiy top kamin peşter paidalanbauǧa, odan bölek şatyrdan şyqqan qūbyrlardy da bekıtıp qoiuǧa qatysty tüsındırme jūmystaryn jürgızedı. Ökınışke orai, tūrǧyndardyŋ köpşılıgı bız ketken soŋ, qaitadan öz degenderın ıstep, qauıpsızdık erejelerın būzuda. Oǧan dälel, ekınşı ret barǧanda anyqtalyp jatqan faktıler de bar. Tötenşe jaǧdai salasy tarapynan osy kamin peşterın paidalanǧany üşın äkımşılık şaraǧa tartu nemese ony toqtatu talaptary qarastyrylmaǧan», – dedı departament basşysy. Oblys aumaǧynda jalpy 376 myŋnan astam jeke tūrǧyn üiler esepke alynǧan. Onyŋ 204 myŋnan astamy tabiǧi gaz paidalanady. Būdan bölek, öŋırde 1,5 myŋǧa juyq köpqabatty tūrǧyn üiler ornalasqan.