Qostanai oblysynyŋ polisiia qyzmetkerlerı balany öltıru ısın tergep jatyr. Küdıkke qyzdyŋ anasy ılıktı.Tergeuşılerge on jyldan astam uaqyt būryn bır jarym jasar qyzdy öltırgenı turaly aqparat tüsken, dep habarlady alau. portaly.
Tärtıp saqşylary qyzǧa qatysty barlyq aqparatty teksere kele, tergeudı bastady. Bala azamattyq hal aktılerın tırkeu bölımınde tırkelgen. Qūjattarda qyzdyŋ anasy tūrǧan auyl körsetılgen. Alaida äiel de, onyŋ qyzy da onda ūzaq jyldar boiy tūrmaǧany anyqtaldy.
Nätijesınde poliseiler balanyŋ anasyn tapty, ol bolǧan jaǧdaidy aityp bergen.
"Janjal kezınde ol üiden ketıp qalǧan. Ony üiden quyp şyqqan... Osy sebeptı jaǧdaiy qiyndaǧan, ol balany elsız dalada öltırıp, tastap ketken", - dedı Qostanai oblysy polisiia departamentı tergeu basqarmasynyŋ bölım bastyǧy Artem Tkachenko.Äiel poliseilerge balany tūnşyqtyryp öltırgenın, qyzdyŋ denesın auyl şetıne qaldyryp, oblystyŋ basqa audanyna ketkenın moiyndady. Balanyŋ süiegı tabylmady. Äiel körsetken jer adam tanymastai özgergen. Ol jer būryn elsız dala bolǧan, qazır jol salynǧan.
"Teoriialyq tūrǧydan, ärine, özıne jalǧan kınä taǧuy mümkın. Iаǧni, dälel boluǧa tiıs. Bala düniege kelgen, qazır joq, dälel äzırge osy. Ol tırı boluy da mümkın", - dep tüsındırdı bölım bastyǧy.
