1 nauryzda Qazaqstan sauda jäne integrasiia vise-ministrı Qairat Törebaev pen Qytai kommersiia vise-ministrı Van Şouven kezdestı. Būl turaly sauda jäne integrasiia ministrlıgınıŋ baspasöz qyzmetı habarlady.
Vedomstvo mälımetınşe, qos tarap Qazaqstan-Qytai "Qorǧas" şekara maŋy yntymaqtastyǧy halyqaralyq ortalyǧynyŋ qyzmetın üilestıru tetıgınıŋ 2-otyrysyna daiyndyq boiynşa kelıssözder jürgızgen.
Qairat Törebaev Qazaqstan men Qytaidyŋ sauda-ekonomikalyq qatynastary qarqyndy sipatqa ie ekenın atap ötken.
– Qytai Qazaqstannyŋ eŋ ırı investorlarynyŋ bestıgıne kıredı. Qazaqstanǧa qūiylǧan barlyq investisiianyŋ 4,7 paiyzyn qūraidy. 2005-2020 jyldar aralyǧynda Qytai Qazaqstanǧa 19,2 mlrd dollar investisiia qūidy.
İndustriialyq-investisiialyq yntymaqtastyq baǧdarlamasy aiasynda 24,5 mlrd dollarǧa 56 zamanaui käsıporyn salu josparlanyp otyr. Būl nysandardyŋ basym bölıgı 2023 jylǧa qarai aiaqtalady dep kütılude, – dedı Qairat Törebaev.
Onyŋ aituynşa, qazırgı uaqytta "Qorǧas" şekara maŋy yntymaqtastyǧy halyqaralyq ortalyǧynyŋ Qazaqstan aumaǧynda jalpy somasy 110,37 mlrd teŋgege 29 investisiialyq jobany ıske asyru boiynşa 24 investisiialyq kompaniia öz qyzmetın jüzege asyryp jatyr. Şamamen 30 000 şarşy metrı paidalanuǧa berıldı, 1 joba 100 paiyzǧa ıske asyryldy. 12 joba boiynşa qūrylys jūmystary jürgızılude, al qalǧandary jobalanyp jatyr.
