Şyǧys Qazaqstan oblysynda bala kütımıne bailanysty bır jylǧa deiın tölenetın järdemaqyny öz atyna räsımdegen er adamdar būl aqşany qaitaruy tiıs. Jalpy 254 er adam "dekrettık" järdemaqy alǧan. Endı olarǧa 200 million teŋgeden astam somany qaitaru jönınde talap qoidy, dep habarlaidy "Euraziia bırınşı arnasy".
Memlekettık saqtandyru qory ökılderınıŋ tüsındıruınşe, būl tölemder negızsız alynǧan. Al tiıstı qarajatty alǧan otbasylar mūndai uäjben kelıspei otyr. Olar qūjattardy räsımdeuge HQKO qyzmetkerlerı kömekteskenın aitady.
Solardyŋ bırı – Dmitrii Juravlev. Ol HQKO-ǧa kezektı ret kelgende memleketke 1 million teŋgege juyq bereşegı bar ekenın bılgen. Er adam osydan üş jyl būryn bala kütımıne bailanysty järdemaqyny öz atyna räsımdegen.
Ol tuu turaly kuälıktı räsımdep, järdemaqy jaily aqparat alu üşın HQKO-na barǧanda, ortalyq qyzmetkerı zaŋnamaǧa tiıstı özgertuler engızılgenın, sondyqtan jalaqysy köp ata-ananyŋ bırı järdemaqyny räsımdeuge bolatynyn aitqan.
"Sol jyldary tabysym joǧary edı. Men būl jaŋalyqqa quanyp, aqşa audarymy da tiısınşe köp bolady dep tüsındım. Sodan barlyq tiıstı qūjatty jinap tapsyrdym", – deidı Juravlev.Qŋırde Juravlev sekıldı qūjat tapsyrǧandardyŋ sany az emes. 254 otbasy däl osyndai järdemaqyny otaǧasynyŋ atyna räsımdegen. Memlekettık äleumettık saqtandyru qory oblystyq filialy narazylyq hat joldap, memleket aldyndaǧy qaryzyn öteu turaly habarlandyrǧan. "Būl hat bızge 2 nauryz künı keldı. Bız 10 nauryzǧa deiın 976 myŋ teŋge töleu kerekpız. Bır aptanyŋ ışınde. Äleumettık jelıde de qoqan-loqy jasalyp jatyr. Bızdı alaiaq dep atap, qaryzdy töleuımızdı talap etude. Men tūŋǧyşymdy bosanǧanda järdemaqyny öz atyma räsımdegenmın. Ekınşı balany düniege alyp kelgen soŋ HQKO qyzmetkerı järdemaqyny küieuımnıŋ atyna räsımdeu turaly ūsynys jasaǧan?", – dedı ŞQO tūrǧyny Tatiana Ermolaeva. Būl mäselege qatysty Şyǧys Qazaqstan oblysy boiynşa halyqqa qyzmet körsetu ortalyǧynyŋ direktory Azamat Esenbolov öz qyzmetkerlerınıŋ kınäsın tolyq joqqa şyǧaryp otyr. "Bız eşqandai ūsynys jasamaiyz. 700-den astam qyzmet türın körsetetındıkten, qataŋ türde bekıtılgen standart bar. Eger azamat tiıstı qūjattar jiyntyǧyn alyp kelse, bız ony qabyldasaq, järdemaqyny taǧaiyndau turaly şeşımdı bız emes, uäkılettı organ qabyldaidy", – dedı Azamat Esenbolov. Osy tūsta uäkılettı organ retınde qyzmet ūsynatyn – memlekettık äleumettık saqtandyru qory säbilerdıŋ äkelerı negızgı tabysynan aiyrylmastan bala kütımıne bailanysty järdemaqyny öz attaryna räsımdegenın alǧa tartty. MÄSQ mūnyŋ barlyǧyna zaŋdaǧy şikılık sebepşı ekenın mälımdedı. "Osy 254 adamnyŋ basym bölıgı sol kezdegı, iaǧni 2018 jyldyŋ qaŋtarynda qoldanysta bolǧan zaŋǧa säikes 2018 jyldyŋ bırınşı jartyjyldyǧynda järdemaqyny räsımdegen. Ol zaŋǧa säikes MÄSQ filialy qūjattardy tek standarttar tızımı boiynşa teksere aldy. Ol tızımde kırıstı rastaityn qūjat bolǧan joq. 2018 jyldyŋ 2 şıldesınen bastap zaŋǧa özgertuler engızılıp, qor filialdaryna ūsynylǧan qūjattar men mälımetterdıŋ dūrystyǧyn tekseru qūzyretı berıldı", – deidı memlekettık äleumettık saqtandyru qorynyŋ oblystyq filialynyŋ direktory Nūrlan Qystaubaev.
