Atyrau oblysynda tūrǧyn üiden 4 adamnyŋ, sonyŋ ışınde 1 balanyŋ denesı tabyldy, dep habarlaidy «Adyrna» tılşısı QazAqparatqa sılteme jasap.
Oblystyq Tötenşe jaǧdailar departamentı baspasöz qyzmetınıŋ mälımetınşe, qaiǧyly oqiǧa 4 nauryz künı Mahambet audanynda bolǧan.
«Keşkı saǧat 18:33-te Mahambet audandyq №11 ört söndıru bölımşesıne polisiia bölımınen Aqtoǧai eldı mekenınde Salyqov köşesındegı üilerdıŋ bırınen 4 adamnyŋ mürdesı tabylǧany turaly habar tüstı. Oqiǧa ornyna barǧan Mahambet audandyq Tötenşe jaǧdailar bölımınıŋ qyzmetkerlerı 1974, 1991 jyly tuǧan ekı er adam men 1977 jylǧy äieldıŋ, 2016 jyly ömırge kelgen qyzdyŋ qaitys bolǧanyn anyqtady», - dep habarlady departamenttıŋ baspasöz qyzmetınen.Aldyna ala boljam boiynşa, qaza bolǧandar kömırqyşqyl gazyna ulanǧan. Oqiǧanyŋ män-jaiy anyqtalǧannan keiın qosymşa aqparat berıletın bolady.
«Adyrna» ūlttyq portaly
