Aitys aqyndary men jyrşy-termeşıler Halyqaralyq Odaǧynyŋ basqarma töraǧasy Jürsın Erman özınıŋ äleumettık jelıdegı paraqşasynda Ükımet basşysynyŋ orynbasary İmanǧali Tasmaǧambetovke baǧyttap ökpesın aitypty.
Artyq ketsem Alla özı keşırer…
«Men būl sözderdı aşu-yza üstınde jazyp otyrmyn, artyq ketsem Alla taǧala özı keşırer. Aqiqatyn aitar bolsam, būl jazba Ükımet basşysynyŋ orynbasary İmanǧali Tasmaǧambetovtyŋ därgeiıne jeter me eken degen dämemen jazyluda. Özı oqymasa da şylauynda jürgen ärıptesımız Jünısbek Sūltanmūratovtyŋ közıne şalynaryna kümän joq. Aitys aqyndary men jyrşy-termeşıler halyqaralyq Odaǧynyŋ basqarma Töraǧasy retınde dausymdy şyǧaryp, tūiaq serıppeske äddım joq.
İ. Tasmaǧambetov Almatynyŋ äkımı bolyp tūrǧan kezınde bır ret aitysqa kelgen aqyndardy qabyldap, D. Qonaevtyŋ as ışken bölmesınde aityskerlerge şai berıp qūrmet körsetken. Odan basqa, bız aitysty Parijge aparamyz degende arnaiy ūşaqty 3-4 künge jaldap äpergen märttıgın de ūmytqan joqpyz, alaş balasyna aŋyzdai jyrlap aitumen kelemız. Sol qamqorşymyz byltyr ükımetke orynbasar bolyp kelgende endı aitystyŋ aiy oŋynan tuar dep börkımızdı aspanǧa atyp quandyq. Sol börkımız älı jerge tüsken joq, al quanyşymyz jelge ūşyp kettı…”
…Mūnyŋ sebebı bar
Bırınşıden, IýNESKO-nyŋ materialdyq emes mūralar tızımıne engen atamūra önerımızdıŋ xalyqaralyq sertifikaty Astanaǧa kelgende sonyŋ tapsyrylu saltanatynan resmi Odaǧymyz tysqary qaldy. Odaǧymyz joq siiaqty, qolaisyz eken.
Ekınşıden, ıle-şala Täuelsızdıktıŋ 25 jyldyǧyna orai 25 myŋ adamǧa sölkebai taratylyp jatqanda bır de bır aityskerge resmi qūrmet körsetılmedı. Jyldaǧy jaǧdai taǧy qaitalandy. Odaq jyl saiyn qanşa ūsynys jasap jatsa da täuelsızdıktı jyrlaumen taŋdaiy tozyp kele jatqan bır aitysker aqynǧa ne orden, ne medal ne qūrmettı ataq būiyrmaidy. Jylda osy. Ne Prezidenttıŋ, ne Memlekettıŋ stipendiiasy timeidı. Tym bolmasa mädeniet ministrlıgınıŋ «Mädeniet salasynyŋ üzdıgı» degen tösbelgısıne teŋ körmeitındei būl sorly aityskerler kımnen kem edı? Alaş balasynyŋ azattyqty aŋsaǧan armanyn asqaq jyrǧa arqau etıp, ruxymyzdy kötergen, eldı ruxani täuelsızdıkke tärbielegen, el täuelsızdıgınıŋ saltanatyn talmai jyrlap kele jatqan atamūra önerdıŋ mūragerlerın toi üstınde arqadan qaǧa salsa qaitedı? Sonşa keşpeitındei ne aitylyp edı?
Būl ne mazaq?
Üşınşıden, yzamyzdy şarasynan şyǧarǧan soŋǧy oqiǧa. Aitysqa qol sozǧan bıreudıŋ atyn atap qalsaq soǧan kesırım tie me dep qorqatyn boldyq. 3-4 jeltoqsanda ötken «Altyn dombyra» aitysyna eş telearna yqylas tanytpaǧan soŋ Almaty qalasy äkımınıŋ orynbasary Arman Qyryqbaev «Euraziia» telearnasynyŋ basşysyna jalynǧandai bolyp tüsırtıp alyp edı. 31 jeltosan – 1, 2 qaŋtarda körsetemız dep jarnamalanǧan sol aitystyŋ ornyna qaidaǧy bır älekei-şülekei şatpaq körsetılıp jatqanyna üş kün boldy. Būl ne mazaq?
IýNESKO-nyŋ qaramaǧyna alynyp xalyqaralyq zaŋnamalarmen qorǧalatyn aitysymyz osy ma? Tıptı, däl osy aitysta Elbasy N. Ä. Nazarbaevtyŋ täuelsızdıkke sıŋırgen eŋbegın asqaqtata jyrlaǧannan böten söz joq edı ǧoi! Älde būl baǧytymyz da bıreulerge jaqpaityn bolǧany ma? Aitysty qanatynyŋ astyna alǧan «Nūr Otannan» da yqpaldy küşter bar ma? Onda aitysty öz qarjylaryna ötkızıp jergılıktı telearna arqyly körsetıp Elbasynyŋ saiasatyn tabandylyqpen jürgızıp kele jatqan Qyrymbek Köşerbaev, Berdıbek Saparbaev, Baqtyqoja Izmūxambetov, Nūrlan Noǧaev jäne Bauyrjan Baibek siiaqty azamattarǧa «Halyq Qaharmany» ataǧyn beru kerek qoi.
Osy aryz-mūŋymyzdy İmanǧali Tasmaǧambetovke aitpaǧanda kımge aitamyz?! Qazaqta estır bır qūlaq qaldy ma?! Keide ekı qolymdy töbeme qoiyp, 150 aityskerdı soŋyma ertıp, basqa, böten bır elge jer auyp ketkım keledı».
Basqalarmen bölıse
otyryŋyz
