Almaty oblysynda öz küieu balasyn öltırgen er adam ūstaldy

Almaty oblysynda 36 jastaǧy auyl tūrǧyny tuysyn pyşaqtap öltırdı, dep habarlaidy Polisia.kz. 6 nauryz saǧat 22:15 şamasynda Qarasai audandyq polisiia bölımınıŋ kezekşı bölımıne Äitei aulynyŋ köşesınde zorlyq-zombylyq belgılerı bar er adam mäiıtı tabylǧany turaly habarlama tüstı. Atalǧan jait qylmystyq kodekstıŋ 99-baby ("adam öltıru") boiynşa sotqa deiıngı tergeudıŋ bıryŋǧai tızımıne tırkeldı. Jedel-tergeu toby mäiıt tabylǧan jerge bardy. Er adamǧa pyşaq sūǧylǧanyn anyqtady. Marqūmnyŋ jeke basy anyqtaldy, ol sol auyldyŋ 37 jastaǧy tūrǧyny bolyp şyqty. Ol äielımen bırge qaiyn enesınıŋ üiınde tūrǧan. Tergeuşıler qylmysqa qatysy bar degen küdıkpen 36 jastaǧy jergılıktı tūrǧyndy ūstady. Ol – marqūmnyŋ qaiyn aǧasy. Onyŋ būǧan deiın qylmystyq ıske qatysy bolǧany anyqtaldy. Polisiia dälelderdı keltırgen soŋ ol qylmys jasaǧanyn moiyndady. Aituynşa, bırge ışımdık ışken soŋ jer uchaskesıne bailanysty sözge kelıp qalǧan. Sodan keiın köşede as üi pyşaǧyn jüregıne sūǧyp alǧan. Qazır küdıktı uaqytşa ūstau izoliatoryna qamaldy. Oǧan küzetpen ūstau türındegı būltartpau şarasyn taŋdau turaly mäsele şeşılıp jatyr.