Qyzylordada qala ortasynda ornalasqan 64 päterlık jataqhananyŋ baspaldaǧy opyrylyp, kelınşek ekı balasymen jertölege qūlap ketken. Zardap şekkenderdıŋ aituynşa, ǧimarat yzadan kün ötken saiyn müjılude. Irgetasy şögıp, kesekterı ügıtılıp jatqan üide üreimen ömır sürıp jatqan tūrǧyndar turaly "Astana" arnasy habarlady.
Äsem keşkısın balalaryn balabaqşadan alyp kele jatqan. Baspaldaqtyŋ qalai opyrylyp ketkenın özı de tüsınbei qalǧan. "Qas-qaǧym sätte jertölege qūlap kettım" deidı ol. Janyndaǧy 1 jäne 2 jastaǧy balalaryn perıştesı qaqty dep otyr. Alaida, boiyndaǧy üreiı älı basylmaǧan.
"Bırınşı özım qūladym, ekı sement üstıme qūlady. Sodan soŋ ekı bala kelıp qūlady. Ekı balanyŋ bırınıŋ basy sementke tidı. Ony aparyp tekserttım, miy şaiqalǧan deidı. Özımnıŋ densaulyǧym jaramaidy. Aiaǧym ısıp, ışımnıŋ bärın tılıp ketken", – deidı Qyzylorda qalasynyŋ tūrǧyny Äsem Myrzahanova.Tūrǧyndardyŋ aituynşa, ǧimarattyŋ salynǧanyna qyryq jyldan asqan. Qalanyŋ qaq ortasynda tūryp, tabiǧi gazǧa qosylmaǧan. Tıptı, qys boiy jyluǧa jarymadyq dep otyr. Al jauyn jausa töbeden su aǧyp, äbıgerge salady eken.
"Ekınşı etajǧa deiın yza, ekınşı etajdaǧyldardyŋ özı yzanyŋ iısınen dem ala almaidy. Qysy jazy masa qaptaidy. Jertölege tüsıp qaradyq, eşqandai tıreuış joq. Bır künı bolmasa bır künı ortasyna tüsuı mümkın. Sondai qauıppen qanşama halyq otyrmyz", – deidı tūrǧyndardyŋ bırı Jarqynai Kenjetaeva.Jataqhanadaǧy tötenşei jaǧdai äkımdıktegılerdıŋ de qūlaǧyna jetken. Ondaǧylar qūlaǧan baspaldaqty jedel jöndep bergen körınedı. Al baspanadaǧy özge mäselelerdı şeşuge qauqyrsyz eken. Olar menşık ielerınıŋ bırlestıgın qūrudy ūsynǧan.
"Tūrǧyn üi qatynastary zaŋyndaǧy engızılgen özgerısterge säikes menşık ielerınıŋ bırlestıgı nemese jäi serıktestık qūru jönınde tolyqqandy tüsındırme jūmystary jürgızıletın bolady. Ärı qarai tūrǧyndardyŋ taŋdauy boiynşa basqaru organyn taŋdasa, servistık kompaniia tarapynan tiıstı jūmystaryn atqaruy qajet", – dedı Qyzylorda qalalyq TÜKŞ jäne avtomobil joldary bölımınıŋ basşysy Bırjan Dalabaev.Bügınde baspaldaǧy opyryl jatqan ǧimarat resmi türde apatty dep tanylmaǧan. Ol üşın tūrǧyndar arnaiy mamandar şaqyrtyp, ortaq aqşa şyǧaryp, saraptama jasatuy qajet. Sonda ǧana mūndaǧy tūrǧyndar tiıstı sanat boiynşa päter kezegıne tūra alady, deidı äkımdık ökılderı.
