Qylmystyq-atqaru jüiesı mekemelerınde koronavirustyq infeksiiaǧa qarsy vaksinasiia bastaldy, dep habarlaidy «Adyrna» tılşısı vedomstvonyŋ baspasöz qyzmetıne sılteme jasap.
Egu ıs-şaralaryn QAJ-dyŋ barlyq aumaqtyq departamentterınde jürgızu josparlanuda.
«1 aqpannan bastap Qazaqstanda «Sputnik V» vaksinasyn paidalana otyryp, halyqty koronavirustyq infeksiiaǧa qarsy jappai vaksinasiialau bastaldy. QR Bas memlekettık sanitariialyq därıgerınıŋ 2021 jylǧy 27 qaŋtardaǧy № 3 qaulysyna säikes jūqtyru qaupı joǧary, äsırese virus jūqtyruǧa jäne onyŋ taraluyna beiım adamdardyŋ tızımı anyqtaldy. Qazırgı uaqytta osy nauqandy halyqtyŋ tırkelu tızılımı şeŋberınde QAJ mekemelerınde ūstalatyn jūqtyru qaupı basym toby arasynda ötkızu mäselesı pysyqtaluda»,-delıngen habarlamada.Egudı engızu boiynşa alǧaşqy mekeme astanalyq qonys-koloniiasy, iaǧni Nūr-Sūltan qalasy boiynşa QAJD ES-166/10 mekemesı bolǧan. Vaksinasiia jūmystary 9 nauryzda bastalǧan. Osy kezeŋde 100-ge juyq sottalǧanǧa vaksinasiia sättı jürgızıldı, 60 adam preparatty qabyldaudan bas tartqan. Aita keteiık, būǧan deiın Aqmola, Aqtöbe, Jambyl jäne Qyzylorda oblystarynyŋ QAJ jeke qūramy vaksinasiiadan öttı, qalǧan QAJ departamentterı vaksinalaudy ötkızu kestesıne säikes vaksinany alady. Egıletın adam öz erkımen kelısımge nemese egudı jürgızuden bas tartuǧa qol qoiady. Prosedura 21 kündık aralyqta 2 kezeŋnen tūrady. COVID-19-ǧa qarsy vaksinasiia jürgızu aldynda mındettı türde egıletın adamdy medisinalyq qyzmetker qaraidy, mındettı türde termometriia jürgızıledı jäne egıletın adamda allergiialyq reaksiialardyŋ, sozylmaly aurulardyŋ boluyna äŋgımelesu jürgızıledı. Jıtı infeksiialyq jäne infeksiialyq emes aurular bolǧan jaǧdaida üdemelı sozylmaly aurulary jäne allergiialyq reaksiialary bar nauqastarǧa vaksinasiia jasalmaidy. Egılgen adamdar 30 minut boiy medisinalyq bölımde baqylauda bolady. Medisina qyzmetkerlerı men QAJ qyzmetkerlerın vaksinasiialau Polisiia departamentterınıŋ emhanalarynda, küdıktılerdı, aiyptaluşylar men sottalǧandardy vaksinasiialau penitensiarlyq jüie mekemelerınıŋ medisinalyq bölımderınde jüzege asyrylady. Eske sala keteiık, elımızde barlyǧy 80 mekeme jūmys ısteidı, onda ūstalatyndardyŋ sany şamamen 32 myŋ adamdy qūraidy.
«Adyrna» ūlttyq portaly
