Qasym-Jomart Kemelūly Toqaev «Täuelsızdık bärınen qymbat» atty maqalasynda Nauryz meiramyn atap ötudıŋ tūjyrymdamasyn jasap, köktem merekesınıŋ mazmūnyn baiyta tüsudı ūsyndy. Izınşe tūjyrymdama jobasy jasalyp, köpşılık talqysyna şyqty.
Ūlttyq salt-dästürımızdıŋ ajyramas bölıgı babalardan bızge jetken ejelgı Nauryz merekesınıŋ män-maǧynasyn arttyru ortaq mındetımız jäne ruhaniiattyŋ altyn qazyǧy Qazaq radiosy būl jūmysqa erekşe ekpınmen kırıstı.
Osy rette, ūlyq mereke qarsaŋynda, 17 nauryz künı, Qazaq radiosy, jetı memlekettıŋ radioarnalarynyŋ basyn qosyp, tıkelei efirde «Nauryz-2021» Halyqaralyq radioköpırın ūiymdastyrady.
Irı Halyqaralyq joba aiasynda tıkelei efirde İran, Türkiia, Äzırbaijan, Moŋǧoliia, Qyrǧyz Respublikasy, Özbekstan Respublikasy, Tatarstan Respublikasy radioarnalarymen äue tolqyny arqyly bailanys ornatyp, Nauryz meiramy ortaq halyqtarmen merekenıŋ mänın aişyqtauǧa, bauyrlas jäne ırgeles elderdıŋ ūlttyq dünietanymyn tyŋdauşyǧa jetkızuge tyrysamyz.
Radioköpırde Resei, Fransiia, Avstriia, Belgiia, Koreia, Japoniia elderındegı tyŋdauşylarmen tıkelei tolqynda tıldesetın bolamyz.
Jetı memleket qatysatyn «Nauryz-2021» Halyqaralyq radioköpırı tūŋǧyş ret ūiymdastyrylyp otyr. Üş saǧattyq radioköpır Qazaq radiosynan bölek «Şalqar» radiosynyŋ tıkelei efirınen de berıledı.
Halyqaralyq şara Qazaq radiosynyŋ 100 jyldyǧyna orailasqan. 1921 jyly ūlt ūstazy Ahmet Baitūrsynūlynyŋ bastamasymen Orynbor qalasynan aqparat tarata bastaǧan Bas radio qazır el aumaǧynyŋ 90 paiyzyna aqparat jetkızedı.
Dulat ABİBULLAEV
