Qasym-Jomart Toqaev Almaty qalasynyŋ densaulyq saqtau salasyndaǧy kürdelı ahualy turaly baiandady
Aituynşa, kürdelı mäseleler koronavirustyŋ artynda män bermei qalyp qoiyp jatyr.
– Jalpy azamattardyŋ medisinalyq qyzmet körsetu sapasyna köŋılı tolmaitynyn aituymyz kerek. Medisina kadrlarynyŋ jetıspeuşılıgı de köptıŋ kökeiındegı kürmeulı mäsele. Būl problema jyldar boiyna şeşılmei kele jatyr. Äsırese, keşegı tötenşe jaǧdai rejimı kezınde būl mäselenıŋ özektılıgı arta tüstı. Qalaǧa 300-ge juyq därıger qajet. Būl öte köp. Eger Almatyda jaǧdai osyndai bolsa, onda şet jatqan aimaqtar turaly ne aituǧa bolady?! Atalǧan jaǧdaidy qalanyŋ densaulyq saqtau basqarmasyndaǧy kadrlardyŋ toqtausyz auysuy uşyqtyryp jıberıp otyr. Onda jemqorlyqqa qatysty zaŋ būzuşylyqtar oryn aldy. Qalai aitsaq ta, densaulyq saqtau basqarmasynda tūraqtylyq bolǧan joq. Äkımdık būl mäselelerdı şeşumen naqty ainalysu kerek, – dedı prezident. – Men taǧy da otandastarymyzdy sabyr saqtauǧa, barlyq sanitarlyq normalardy qataŋ ūstanuǧa, koronavirusqa qarsy jappai vaksinasiiany qoldauǧa şaqyramyn. Ükımet pen äkımdıkter jappai vaksinasiia jürgızuge daiyn boluy kerek. Bız 1 aqpannan vaksinasiia jūmysyn bastadyq. Bıraq däl qazırgı uaqytqa deiın vaksina saldyrǧan azamattardyŋ sany 19 myŋnan säl ǧana asady. Jospar boiynşa bız 6 millionnan astam adamǧa vaksina saldyruymyz kerek. Eger öz öndırısımızdıŋ quaty men Reseiden äkelınetın vaksina jetpei jatsa, onda naryqqa şyǧyp, qajettı kölemdı importtau qajet. Jappai immunitet qalyptastyrmai aurudy jeŋe almaimyz, ekonomikany qaita qalpyna keltıru de mümkın emes. Ükımetke atalǧan jūmysty jandandyrudy tapsyramyn. Būl mäselenı özım baqylap otyramyn. Vaksinasiiaǧa dūrys qarau kerek, būdan basqa jol joq. Osy mäselenı azamattardyŋ esıne taǧy bır märte salǧym keledı, – dedı Memleket basşysy.
