Qasym-Jomart Toqaev Almaty qalasynyń densaýlyq saqtaý salasyndaǵy kúrdeli ahýaly týraly baıandady
Aıtýynsha, kúrdeli máseleler koronavırýstyń artynda mán bermeı qalyp qoıyp jatyr.
– Jalpy azamattardyń medıınalyq qyzmet kórsetý sapasyna kóńili tolmaıtynyn aıtýymyz kerek. Medıına kadrlarynyń jetispeýshiligi de kóptiń kókeıindegi kúrmeýli másele. Bul problema jyldar boıyna sheshilmeı kele jatyr. Ásirese, keshegi tótenshe jaǵdaı rejımi kezinde bul máseleniń ózektiligi arta tústi. Qalaǵa 300-ge jýyq dáriger qajet. Bul óte kóp. Eger Almatyda jaǵdaı osyndaı bolsa, onda shet jatqan aımaqtar týraly ne aıtýǵa bolady?! Atalǵan jaǵdaıdy qalanyń densaýlyq saqtaý basqarmasyndaǵy kadrlardyń toqtaýsyz aýysýy ýshyqtyryp jiberip otyr. Onda jemqorlyqqa qatysty zań buzýshylyqtar oryn aldy. Qalaı aıtsaq ta, densaýlyq saqtaý basqarmasynda turaqtylyq bolǵan joq. Ákimdik bul máselelerdi sheshýmen naqty aınalysý kerek, – dedi prezıdent.
– Men taǵy da otandastarymyzdy sabyr saqtaýǵa, barlyq sanıtarlyq normalardy qatań ustanýǵa, koronavırýsqa qarsy jappaı vakınaııany qoldaýǵa shaqyramyn. Úkimet pen ákimdikter jappaı vakınaııa júrgizýge daıyn bolýy kerek. Biz 1 aqpannan vakınaııa jumysyn bastadyq. Biraq dál qazirgi ýaqytqa deıin vakına saldyrǵan azamattardyń sany 19 myńnan sál ǵana asady. Jospar boıynsha biz 6 mıllıonnan astam adamǵa vakına saldyrýymyz kerek. Eger óz óndirisimizdiń qýaty men Reseıden ákelinetin vakına jetpeı jatsa, onda naryqqa shyǵyp, qajetti kólemdi ımporttaý qajet. Jappaı ımmýnıtet qalyptastyrmaı aýrýdy jeńe almaımyz, ekonomıkany qaıta qalpyna keltirý de múmkin emes. Úkimetke atalǵan jumysty jandandyrýdy tapsyramyn. Bul máseleni ózim baqylap otyramyn. Vakınaııaǵa durys qaraý kerek, budan basqa jol joq. Osy máseleni azamattardyń esine taǵy bir márte salǵym keledi, – dedi Memleket basshysy.
