Almaty oblysynyŋ Panfilov audanynda tūtas bır auyldyŋ balalary balabaqşa ǧimaratynda bılım aluda. Süptaidaǧy eskı oqu ordasy jylu jüiesı dūrys bolmaǧandyqtan, 98-şı jyldary jabylyp, keiın apatty dep tanylǧan eken. Būl turaly Euraziia bırınşı arnasy habarlaidy.
NŪRÄLİ MŪSABEKŪLY, OQUŞY:
"Bızge jattyǧatyn oryn qajet. Jaŋa mektep qajet. Kıtaphana qajet. Taǧy da öleŋ aitatyn bölme qajet".Būl 900-dei tūrǧyny bar Süptai auylyndaǧy būrynǧy balabaqşa ǧimaraty. Mūnda 200-ge juyq bala bılım aluda. Ötken ǧasyrdyŋ 80-jyldary salynǧan nysan osy künge deiın bırde-bır ret kürdelı jöndeu körmeptı. Tek ūjymnyŋ kütımımen ǧana ışı-syrty bütın tūr. Jyl ötken saiyn eskırıp, toza bastaǧan. Töbesınen su ötedı. Irgetasy şögıp, qabyrǧalary da jarylypty. Jalpy, būl ǧimarat mektepke beiımdelgenı bolmasa, eşqandai talaptarǧa sai kelmeidı.
Mektep dep aituǧa kelmeitın şyǧar, ärine, būl balabaqşa ǧoi, ärine. Eşqandai jaǧdai jasalmaǧan. Oryndyqtar, bızdıŋ taǧy da basqa qoldanatyn zattarymyz tym eskı. Osy uaqytqa deiın bız eşqandai zerthanalyq jūmystar, aktovyi zal, sport zal, taǧy da basqa dünielerdı körgen joqpyz. Ärine, bızge jaǧdai jasalǧanyn qalaimyz".AIGÜL TŪRSYNQYZY, MŪǦALIM:
"Bır ǧana aktovyi zalymyz bar. Sol jerde deneşynyqtyru sabaǧy da ötedı. Sol jerde qosymşa sabaq ta ötemız. Sol jerde merekelık şaralar da ötedı. Sol janymyzǧa qatty batady".Süptailyqtardyŋ aituynşa, eldı mekende demografiialyq ösım jaqsy. Qazırdıŋ özınde mektep jasyna deiıngı 70 şaqty bala bar eken. Bıraq, solardyŋ köbısın balabaqşa ǧimaraty bola tūra, ata-analary körşı auyldaǧy böbekjaiǧa amalsyz tasymaldap jür. TILEBALDY ŞYNTAEV, SÜPTAI AUYLYNYŊ TŪRǦYNY:
"4 km jerde Nädek degen auyl bar. Taksimenen mūǧalımder, basqa da sol auyldyŋ tūrǧyndary balalaryn balabaqşaǧa aparyp tärbielep jatyr. Bızge jaŋadan mektep salyp berse, būl balabaqşa bop qalsa, sonda halyqtyŋ tūrmys därejesı de jaqsy bolar edı".Auylda mektep ǧimaraty joq emes, bar. 1970 jyldary salynǧan myna nysan toqyrau jyldary jylu jüiesı dūrys bolmaǧandyqtan jabylyp qalǧan. Jyldar boiy qaŋyrap bos tūrǧandyqtan, osydan 10 jyl būryn apatty dep tanylǧan eken. Qazır töbesı tüsıp, opyrylyp jatyr. QUANYŞ TOQTASYNOV, PANFİLOV AUDANDYQ BILIM BÖLIMI BASŞYSYNYŊ MINDETIN ATQARUŞY:
"Audanymyzda 3 apatty mektepten basqa, mektep qūrylysyn salu qajet osy Süptai auylynda. Sondyqtan da bız biylǧy jyly osy mekteptıŋ qūrylysyn saluǧa jobalau-smetalyq qūjattaryna ūsynym daiyndap otyrmyz. Endı, zaman talabyna sai mektep salynsa, dūrys bolar edı. Negızgı ǧimaraty apatty jaǧdaida. Sol sebeptı, balalar balabaqşa ǧimaratynda bılım aluǧa mäjbür bolyp otyr".Osy künge deiın jobalau-smetalyq qūjaty jasalmaǧandyqtan, mekteptıŋ de qaşan salynary belgısız. Bıraq, süptailyqtar üşın jaŋa nysan auadai qajet bolyp tūr. Öitkenı, 120 oryndyq balabaqşa ǧimaraty balalarǧa barynşa tarlyq etude. Onyŋ üstıne auylda internet te äreŋ ūstaidy. Qaşyqtan oqytu kezınde oquşylarmen qosa, ūstazdar da qinalǧan.
