Älemdegı ataqty universitetterdıŋ köşın bastap tūrǧan Massachusets tehnologiialyq instituty elordalyq Eldar Urkumbaevqa grant ūsyndy, dep habarlaidy «Adyrna» tılşısı.
Eldar – Nūr-Sūltan qalasyndaǧy Nazarbaev Ziiatkerlık mektebınıŋ oquşysy.
- Men Halyqaralyq Bakalavriat baǧdarlamasynda oqyp jatqandyqtan, joǧary oqu oryndaryn taldau barysynda AQŞ universitetterıne basymdylyq tanyttym. Maǧan negızınen akademiialyq erkındık pen pänaralyq zertteu qaǧidalaryn ūstanǧan joǧary oqu oryndary ūnaidy. Al būl AQŞ-ta jaqsy damyǧan. Oǧan qosa, MIT universitetı AQŞ jäne älemnıŋ eŋ üzdık tehnikalyq joǧary oqu oryndarynyŋ bırı. MIT qauymdastyǧynyŋ 88 müşesı Nobel syilyǧynyŋ laureattary bolyp tabylady. MIT tülekterı Google, Oracle, Amazon, McKinsey Accenture, Apple, Boeing i Microsoft syndy ülken kompaniialarda qyzmet etedı. Būndai üzdık, bedeldı universitetten şaqyrtu alu men üşın jäne menıŋ otbasym üşın zor qūrmet, - dedı ol.12-synyp oquşysy öz bolaşaǧyn biologiia pänımen bailanystyryp otyr. Jas daryn biologiiadan respublikalyq olimpiadalarǧa üş jyl qatysyp, NIS tobynyŋ müşesı retınde bır altyn jäne ekı kümıs medaldarǧa ie boldy. Sonymen qatar, ol 2018 jyldan bastap mektepte olimpiadalyq biologiiadan oquşylarǧa sabaq beredı. Bolaşaqta Eldar biologiianyŋ tar şeŋberlı mamandyǧy boiynşa magistraturaǧa tüsıp, şeteldık täjıribe jinaqtaudy josparlauda. Aita keteiık, QS universitetterınıŋ älemdık reitingısı boiynşa Massachusets tehnologiialyq instituty rekordtyq körsetkışın jalǧastyryp keledı. Bılım ordasy robototehnika men jasandy intellekt sektorlary jäne aqparattyq tehnologiia, fizika, himiia jäne matematika salalaryn oqytu jüielerı boiynşa eŋ taŋdauly bolyp sanalady. Sonymen qatar, universitet menedjment, ekonomika, lingvistika, saiasi ǧylymdar jäne filosofiia salalaryn oqytuymen de tanymal.
«Adyrna» ūlttyq portaly
