Oralda 13 jastaǧy ögei qyzyn zorlady dep aiyptalǧan qala tūrǧyny sotta jauapqa tartyluda dep habarlaidy "Astana" telearnasy.
Batys Qazaqstan oblystyq sotynyŋ mälımetıne säikes, ıs qylmystyq kodekstıŋ ekı baby boiynşa qozǧalypty. Jäbırlenuşı tarap sottaluşyǧa qataŋ jaza qoldanudy talap etıp otyr.
Jäbırlenuşı küieuınıŋ soqqysyna şydap kelgenın alǧa tartty. Kezektı ūrys-kerıs şegıne jetkende, ülken qyzy ögei äkesınıŋ özıne jasaǧan ozbyrlyǧyn jylap otyryp jetkızıptı. Sodan keiın anasy bırden poliseilerge jügıngen.
"Qyzym būl sūmdyqtan älı esın jiiar emes. Qazır emdelıp jatyr, psihologtar onyŋ qaita qalpyna keluı, älı 4-5 jylǧa sozylatynyn aitady. Al mūndai auyr jan jarasy ömır boiyna qalady deidı. Şynymdy aitsam, küieuımnen qatty qorqamyn. Qazır qyzdarymnyŋ taǧdyry qyl üstınde tūr. Sondyqtan sot ädıl jazasyn beredı dep ümıttenemın", - deidı jäbırlenuşı.Aiyptaluşy tarap bolsa, taǧylǧan aiyptarmen kelıspei otyr. Bıraq sūhbat beruden bas tartty. Al advokaty būl ıstıŋ nüktesın sot qoiatynyn alǧa tartty.
"Bügın sotta özıme belgılı bolǧan aqparatty aitpauǧa mındettelıp, qol qoidym. Konstitusiiaǧa säikes, kınäsı däleldenıp, sot ükımı şyqpaiynşa, eşkımdı kınälauǧa bolmaidy. Sondyqtan, sot ıstı ädıl qaraidy dep senemız", - deidı aiyptaluşynyŋ qorǧauşysy Mereke Ǧabdualiev.Is sotta jabyq jaǧdaida qaraluda.
"Aiyptaluşy qylmystyq kodekstıŋ 121-babynyŋ 4-bölıgı, 124-babynyŋ 2-bölıgımen, iaǧni seksualdyq sipattaǧy zorlyq-zombylyq jäne jas balany azǧyndyq jolǧa tüsıru degen bap boiynşa sotqa berıldı", - deidı BQO soty baspasöz qyzmetınıŋ basşysy Nūrgül Qanatbaeva.Ajyrasuǧa aryz bergen erlı-zaiyptylar bügınde aradaǧy dünie-mülıktı de özara bölıske salypty. Al aiyptaluşynyŋ jasöspırımge zäbır körsetkenı däleldense, zaŋ boiynşa 7 jyldan 20 jylǧa deiın bas bostandyǧynan aiyru jazasy qarastyrylǧan.
