Advokat Abzal Qūspan aǧamyzdyŋ paraqşasyndaǧy beineroliktı qarap şyqtym.
Būl kısınıŋ aituynşa bızdıŋ qūqyq qorǧau organdaryndaǧy qyzmetkerlerdıŋ 99 paiyzy özımızdıŋ qazaqtar. Abzal aǧamyz zaŋ salasynda özınıŋ käsıbi maman retınde ötkergen täjıribeden bırneşe ıstıŋ qalai jüzege asqanyn, däl qazaq azamattaryna kelgende sottyŋ, zaŋnyŋ, sonyŋ ışındegı sottaǧy ūlty qazaq azamattardyŋ bızdıŋ qazaq azamattarynyŋ üstınen qandai şeşım qabyldaitynyna dälel keltıre otyryp, faktılerdı alǧa qoiǧan. Atalǧan beineroliktıŋ sıltemesı tömende:
https://www.youtube.com/watch?v=fLH2SB7ac7s
Faktılerdı tızbektei kele, belgılı zaŋger: "Nege sot organdarynyŋ qyzmetkerlerı qazaq azamattaryna kelgende qūqyqtyq baǧany dūrys bermeidı?" degendı alǧa tartady. Osy sūraqtyŋ negızınde "Qazaqtyŋ auzy jese de qan, jemese de qan" dep taqyrypty qoiǧan. Sebebı, sot, tergeu organdaryndaǧy azamattardyŋ 99 paiyzy qazaqtar bolsa da, qazaq ūltynyŋ azamattaryna kelgende jaǧdai müldem basqaşa. Sonda qazaqtyŋ qazaqqa jany aşityny ötırık pe?
Qoǧamǧa sūraq!
Nege būlai?
Abzal aǧamnyŋ keltırgen aqparattarynyŋ astarynda "Bızdıŋ qūqyq qorǧau organdary özge ūlttyŋ azamattaryna kelgende, olardyŋ qūqyn meilınşe qorǧauǧa tyrysady. Al, özınıŋ qazaǧyna kelgende, ıstı barynşa bürkemelep, ıske qatysty Qylmystyq kodekstegı säikes baptardy būrmalauǧa jol beredı" dep otyr. Atalǧan beinerolikte özge ūlttar men qazaqtardyŋ arasynda bolǧan kikıljıŋder aitylyp otyrǧan jaǧdaidarǧa negız bolyp otyr.
Menıŋ taŋ qalatynym, qūqyq qorǧau organdaryndaǧy qyzmetkerlerdıŋ 99 paiyzy qazaqtar. Nege qazaq ūltynan bola tūra qazaq azamattaryna kelgende olar şolaq bola ketedı?
Polisiiany da aiyptap jatamyz. Nege olar da halyqqa kelgende şolaq şeşımge köşedı? Bärı de qazaqtyŋ qanynan emes pe?
Qazaqtyŋ qūqy öz jerınde, öz topyraǧynda nege taptalyp jatyr? Sız mūny oilap jürsız be?
Bız Ata zaŋymyz-Konstitusiiada özımızdı täuelsız, zaiyrly, demokratiialy el retınde jariialadyq. Memlekettı qūruşy ūlt retınde qazaqqa basymdyq bere almadyq. Bız tılımızdı, dınımızdı, ūlttyq qūndylyqtarymyzdy jete qorǧai almadyq. Sonyŋ negızınde qazaqtyŋ özın qorǧai almadyq.
Bız 30 jyldyq täuelsızdıgımızde ūlttyq ideologiiany üdemelı jürgızudıŋ ornyna aqsatyp aldyq. 30 jyl boiy jürgızılgen saiasatta bızdıŋ elde saiasi, qūqyqtyq reformalar ıske aspady. Saiasi bäsekeler bolmady. Damuǧa jol aşqan kez kelgen elde eŋ aldymen saiasi reformalarǧa jol berıledı. Sol baiaǧy keŋestık eskırgen, zamannyŋ köşınen qalǧan jüiemen tūraqtylyqty saqtap bır orynda qozǧalmai qaldyq. Sonyŋ saldary osyndai keleŋsızdıkterge soqtyrdy dep aita alamyn.
Abzal aǧamyz qazaqtyŋ janyn jegıdei jegen, özegın taldyrǧan öte özektı mäselenı alǧa tartyp otyr.
Bekbolat QARJAN,
"Adyrna" ūlttyq portaly
