Eldıŋ agroönerkäsıp keşenın damytuǧa basa köŋıl bölınıp otyr. Būl jönınde bügın QR Premer-Ministrı A.Maminnıŋ töraǧalyǧymen ötken jiynda talqylandy.
Şymkent qalasynda agroönerkäsıp keşenın damytu maqsatynda 2021-2025 jyldar aralyǧynda 31 794 mln teŋgenı qūraityn 33 jobany jüzege asyru közdelude.
Atalǧan jobalar ışınde öndırıstık jylyjai keşenderı - 10 joba, qarqyndy bau - 4 joba, qaita öŋdeu salasy - 4 joba, mal bordaqylau alaŋdaryn qūru - 3 joba, tauarly süt fermalarynyŋ önımın arttyru maqsatynda 4 joba, jūmyrtqa öndırısı jäne balyq şaruaşylyǧynda 8 joba josparlanyp otyr.
Būl jobalar ıske asqan jaǧdaida jaŋadan 830 jūmys orny aşylatyn bolady. Sonymen bırge qaladaǧy kökönıs öndıru kölemı - 35 myŋ tonnaǧa, qarqyndy bau alaŋy - 441 gektarǧa, qaita öŋdeu salasy-27,4 myŋ tonnaǧa ūlǧaiady.
Būdan bölek öndırıletın ettıŋ kölemı - 5,4 myŋ tonnaǧa, süttıŋ kölemı – 8 myŋ tonnaǧa, jūmyrtqa öndırısı - 15 mln danaǧa jäne broiler qūs etı - 500 tonnaǧa deiın ūlǧaiyp, qalada öndırıletın balyq önımı - 100 tonnany qūraityn bolady.
Şymkent qalasy äkımdıgınıŋ baspasöz qyzmetı
