Deputat Şyǧys Qazaqstan oblysynyŋ Tarbaǧatai audanyndaǧy auylǧa Nazarbaevtyŋ esımın berudı ūsyndy, dep habarlaidy Altaynews.
Tarbaǧatai audandyq mäslihatynyŋ deputaty Qairat Dakerov Qazaqstan prezidentı Qasym-Jomart Toqaevqa, premer-ministr Asqar Maminge, mäjılıs töraǧasy Nūrlan Nyǧmatulinge, ŞQO äkımı Danial Ahmetovke jäne tūrǧyndar nazaryna aşyq hat joldady.
21 nauryzda jazylǧan ündeude avtor el Täuelsızdıgınıŋ 30 jyldyǧy qarsaŋynda Aqjar auylyna Nūrsūltan Nazarbaevtyŋ esımın berıp, auylǧa audan ortalyǧy statusyn qaitaru turaly jazady.
"Täuelsızdıgımızdıŋ 30 jyldyǧy qarsaŋynda Elbasymyz Nūrsūltan Nazarbaevtyŋ eŋbegın keleşek ūrpaqqa mäŋgılık etu maqsatynda 1997 jylǧa deiın şekarada jatqan būrynǧy Tarbaǧatai audany ortalyǧy bolǧan Aqjar auylyna audan ortalyǧy statusyn qaitaryp, qazırgı Tarbaǧatai audany Aqsuat auylynan Aqjar aimaǧyn bölıp, būrynǧyşa ekı audan retınde qalpyna keltırıp, Elbasymyzdyŋ atyna berse degen ūsynys bar", - deidı Tarbaǧatai audandyq mäslihatynyŋ deputaty Qairat Dakerov.Sondai-aq avtor Tarbaǧatai audany halqynyŋ Elbasynyŋ eŋbegın joǧary baǧalaitynyn aityp ötken.
"Audanymyz Qytai Halyq Respublikasymen şekarada ornalasqan, Elbasymyzdyŋ köregen, sarabdal saiasatynyŋ arqasynda, jeke bedelınıŋ nätijesınde körşıles Resei, Qytai, Özbekstan, Qyrǧyzstan elderımen şekaramyz dellimitasiia jasalyp, demorkasiialandy", - dep tolyqtyrdy deputat.Deputattyŋ būl bastamasyn qoǧam belsendısı, audannyŋ tumasy Ermek Qūrmanǧali da qostap otyr. Būl turaly oiyn belsendı özınıŋ äleumettık jelıdegı paraqşasynda jazdy.
"Elbasynyŋ Qytaimen şekarany şegendep bergen eŋbegınıŋ qūrmetıne bır audandy Elbasynyŋ atymen ataǧanda tūrǧan eşteŋe joq. 1997 jyly Aqsuat audanyna qosylyp ketken Tarbaǧatai audanyn jeke audan retınde qaitaryp, ortalyǧyn qaitadan Aqjar auyly etu kerek. Jaŋadan qūrylǧan audanǧa Täuelsızdıgımızdıŋ 30 jyldyǧy mereitoiy qarsaŋynda Elbasymyz Nūrsūltan Äbışūly Nazarbaevtyŋ atyn berıp, Aqjar auylyna Elbasynyŋ bır eŋselı eskertkışın ornatu kerek", - deidı qoǧam belsendısı.Sondai-aq auyldyŋ ortasyndaǧy Jambyl köşesın Nazarbaev köşesıne auystyru ūsynysyn da jasady (Tarbaǧataida Jambyl atamyzdyŋ atynda auyl da, mektep te bar). Qoǧam belsendısınıŋ oiynşa, būl oi ıske assa, Tarbaǧatai halqynyŋ köşı toqtap, jaŋa jūmys oryndary aşylyp, şekaranyŋ şetıne halyq ornyǧyp, örıske mal tolyp, halyq sany köbeimek.
