Almaty oblysynda tūratyn retro kölık jinauşy Meiırhan Kärıbaev eskı tehnikalardy saqtauǧa qaltasy kötermeitının aitady, dep habarlaidy «Habar 24».
Keibırınıŋ zauyttan şyqqanyna bır ǧasyrǧa juyqtaǧan kölıkter qazır şaŋ basyp tūr. Qazaqtyŋ tarihi tuyndylarynda taqymdalǧan tehnikalardyŋ bügıngı halı turaly tılşı tarqatady.
Arşyn Kemeljan, tılşı:
- Almaty oblysynyŋ Abai auylynda tūratyn Meiırhan Kärıbaev jiyrma jyldan berı retro kölıkterdı jinaumen ainalysady. Bügınde onyŋ aulasynda ärtürlı sanattaǧy 25 avtomobil bar. Işındegı eŋ eskısı 1936 jyly İtaliiada qūrastyrylǧan «Fiat» maşinasy. Odan keiıngısı 1942 jylǧy «Gaz-67» äskeri kölıgı. Ūly Otan soǧysynan aman qalǧan tehnikany ardagerdıŋ otbasyn äreŋ köndırıp, 5 myŋ dollarǧa satyp alǧan. Būl tehnika talai ret soǧys turaly filmderde paidalanylǧan.Meiırhan kärıbaev, retro kölık jinauşy:
- Būl maşinany men 10 jyl jürıp bır adamdardan satyp alǧam. Būl soǧysta tarih boiynşa bır komandirdı qūtqarǧan. Osyny syilyq retınde jürgızuşısıne bergen. Ol şal nemeresıne bergen. Men kinoǧa qoiamyn, qoldanamyz, halyq körsın degennen keiın būny satty maǧan.Mūnda «Gaz-01», «Gaz-51» jük kölıkterı, Keŋes Odaǧyndaǧy partiia hatşylary mıngen «Zim» men «Volga» jäne odan basqa jeŋıl kölıkter bar. Meiırhan Kärıbaevtyŋ retro kölıkterın «Balalyq şaǧymnyŋ aspany», «Anaǧa aparar jol», «Baluan Şolaq» syndy tarihi kinolardyŋ köbınen köruge bolady. Qazır şaŋ basyp tūrǧanymen barlyǧy jürıske jaramdy, deidı. Ömırınıŋ jiyrma jylyn retro kölıkter jinauǧa arnaǧan Meiırhan Kärıbaev bügınde jädıgerlerdı saqtauǧa aqşanyŋ qolbailau bolyp tūrǧanyn aitady. Mūrajai aşsam degen armany da qarajattyŋ tapşylyǧynan jüzege aspai tūr. Onyŋ endıgı bır maqsaty – qoldauşylar tauyp, el Täuelsızdıgınıŋ 30 jyldyǧyna arnalǧan retro kölıkter şeruın ūiymdastyru. Meiırhan Kärıbaev, retro kölık jinauşy:
- Soŋǧy uaqytta säl qinalyp jatyrmyz, maşinany saqtauda. Ony ärı qarai körermız, jaqsy bolmai jatsa, kino bolmai jatsa, būlardyŋ barlyǧyn satu kerek, jıberu kerek.Meiırhannyŋ ielıgınde 1945 jylǧy parovoz ben 6 vagony bar. Auyr tehnika tek tüsırılım kezınde qoldanylady. Kolleksiia jinauşy otarbany Şyǧys Qazaqstan oblysyndaǧy Şemonaiha qalasynan, vagondaryn Qyzylordadan satyp alypty.
«Tarihi mūrany saqtauǧa Ükımetten qoldau bolmasa, qara temır retınde satudan basqa amal joq», - deidı ol.
