Almatyda qaza tapqan 19 jastaǧy Aiajan Edılovanyŋ tuystary boijetkennıŋ ölımıne qatysty mälımdeme jasady, dep habarlaidy «Adyrna» tılşısı. Būl turaly «NeMolchiKZ» qoǧamdyq qory jazdy.
Marqūm "Symbat" dizain jäne sän akademiiasynda oqyǧan. Onyŋ avtorlyq toptamalary men internet-dükenı de bolǧan. Student öz būiymdaryn satyp, qosymşa sūlulyq salonynda jūmys ıstegen.
«Sol künı Aiajan jūmystan şyǧyp, jataqhanaǧa oralmady. Ol er adammen tanysu üşın kezdesuge barǧan joq, sebebı süigen jıgıtı bar edı. Boijetken internet-dükenınıŋ jūmysy boiynşa beitanys adammen kezdesken boluy mümkın»,-dedı tuystary.Qor ökılderınıŋ aituynşa, Aiajan 19 nauryz künı keşke jūmystan saǧat 20.48-de şyqqan. Arudy jıgıt jataqhananyŋ janynda kütıp tūryp, qoŋyrau şalǧan. Osydan keiın qyzben bailanys joǧalǧan. 20 nauryz künı taŋerteŋ ızdeu bastaldy. Tuystary polisiiaǧa saǧat 12:00-de habarlasqan. Alaida olar şaǧymdy bırden qabyldamaǧan. Aiajannyŋ dostary men erıktıler qosylyp, taksi qyzmetınen sūrastyra bastaidy. 21 nauryzda erıktıler taksi jürgızuşısın Indriver qosymşasy arqyly tabady. Ol Aiajandy qaida aparǧanyn aityp, tapsyrysty Ruslan esımdı azamattyŋ bergenın mälımdeidı. Būl mekenjai polisiiaǧa habarlanyp, sodan keiın olar abonenttık nömırdıŋ bazalyq stansiiasy arqyly qyzdy ızdeuge köşedı. Tüngı saǧat 23:00 şamasynda qyzmetkerler atalǧan mekenjaiǧa jetedı. Alaida poliseiler Aiajannyŋ tuystaryn ışke kırgızbegen.
«Päterge ekı jedel järdem kölıgı kelıp, jaralanǧan er adamdy alyp şyqty. Komissar bızge boijetkennıŋ joq ekenın aityp, taŋerteŋ keluımızdı ötındı»,-deidı tuystary.Marqūmnyŋ aǧasy qaryndasynyŋ ölımı turaly suyq habardy Instagram jelısınen bılgenın aitty. Polisiia būl turaly qalai habarlaudy bılmegenderın alǧa tartqan.
«Aiajan qatıgezdıkpen öltırıldı. Ol bölşektelgen küiınde tabylǧan. Marqūmnyŋ tuystary ol jalǧyz qūrban bolmauy mümkın ekenın aitady»,- dedı qor basşysy Dina Taŋsärı.Aita keteiık, 19 jasar qyzdy öltırdı degen küdıkpen 1993 jylǧy Türkıstan oblysynyŋ tūrǧyny ūstaldy.
«Adyrna» ūlttyq portaly
