Traktorşy qyz: 11 jasymnan bastap kölık aidadym

3208
Adyrna.kz Telegram
https://adyrna.kz/content/uploads/2021/03/24e5d3d9-9b04-4c43-a25e-6099a2001cbd.jpeg
Jetısai audany Qyzylqūm eldı mekenınıŋ tūrǧyny Arailym Qūrşanbek 11 jasynan bastap traktor aidaidy. 18 jastaǧy boijetken keiıngı üş jylda qyzyǧuşylyǧyn käsıpke ainaldyryp, aqşa tauyp jür. Sputnik Qazaqstan tılşısıne bergen sūqbatynda Arailym otbasylyq käsıp pen traktor aidauǧa degen qyzyǧuşylyǧy turaly aityp berdı.
"11 jasymda rölge otyrdym. Janymda äkem otyratyn. Äkem qaida barsa da erıp baratynmyn. Keiın maǧan traktor aidaudy üiretıŋız dedım. Mūny otbasylyq käsıp dep aituǧa bolady. Odan bölek jerımız bar, jazdai qauyn egemız", - deidı Arailym.
Arailymnyŋ özınen ülken ekı aǧasy bar. Alaida ışınde qyz balanyŋ qyzyǧuşylyǧy erekşe bolǧan.
"Äkem qazır jūmysta. Qazır aǧam ekeumız traktordy kezektesıp aidaimyz. Öz jerımızdı aidau qajet bolsa, ony da ısteimız. Klient kelse, oǧan da baramyz. Menıŋ tarktorymnyŋ markasy MTZ-80.1, oǧan soqa ılmeimın. Soqa ılıp künıne 10 gektar jer jyrtu menıŋ traktoryma qiyn bolady. Qazır "ol mümkın emes, ötırık" degen äŋgıme bolyp jatyr eken. Soqadan bölek saimandy ılıp, oilanbai aidai alamyn", - deidı boijetken.
Onyŋ aituynşa, jer jyrtatyn traktor ızdep basqa da auyl-aimaqtan keletınder bar. Klienttermen qyzmet baǧasy boiynşa äkesı kelısedı.
"Klienttemen äkem söilesedı. Er adamdardyŋ äŋgımesıne aralaspaimyn. Sondai sätte äkeme "özıŋız ıstep berseŋızşı" dep aitady. Maǧan senbeitınder bar. Äkem sonda: "menıŋ qolym bos emes, osy qyz barady. Qalamasaŋ basqaǧa bara ber" dep aitady. Senbestık bolady. Bıraq ol köŋılıme timeidı", - deidı Arailym.
Boijetken üş jyldan berı jeke jūmys ıstep, aqşa tabady.
"Tabys kölemı klienttıŋ jer kölemıne bailanysty. Bır gektar jerdı kem degende 3 myŋ teŋgeden jyrtyp beretın bolsam, 10 gektar jer 30 myŋ teŋge bolady. Alaida 2-3 gektar jerdı 4 myŋ teŋgeden jyrtyp bersek, aumaǧy ülkeigen saiyn baǧasy arzandaidy", - deidı boijetken.
Arailym qazır Türkıstan qalasynda tıs därıgerı mamandyǧy boiynşa 1-kurs studentı. Eldegı jaǧdaiǧa bailanysty onlain oqyp jatyr. Al jer jyrtu nauqany köktemde bastalady. Aituynşa, keide traktor ışınde otyryp onlain sabaqqa qatysady.
"Traktor ışınde otyryp sabaqqa qatysatyn kezder bolady. Şynymdy aitsam, sondai sätte basqa amal qalmaidy. Sebebı ekı jaqqa da kerekpın. Bıraq jūmystan keiın keşke üi jūmysyn oryndap, sabaqty qaitalaimyn", - deidı ol.
Ol bastapqyda qolynan keletın ıstı köpşılıkke körsetkenıne ūialǧan.
"Basynda mūny elge körsetuge ūialatynmyn. Özımızdıŋ jerdı aidap jüre bereiın dep oiladym. Keiınnen äleumettık jelıge suret jüktei beremın dep şeştım. Bır jaǧy bolaşaqqa estelık bolǧanyn qaladym. Elge şyǧyp, tanymal bolyp ketemın, adamdar oqyp, telearna kelıp tüsıredı degen oi bolmady. Jelıge jüktei berdım. Būl jūmysymnan ūialmaimyn, namystanbaimyn", - deidı Arailym.
Onyŋ sözınşe, qyzyǧuşylyǧy men taŋdauy osy ıske tüskendıkten, ıstep jürgen jūmysyn maqtan tūtady. Qyz bala būl ıstı amaly bolmai ıstese, ūialady. Qyzyǧuşylyq bolmasa qiyn, dep tüiındedı ol.
Pıkırler